Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 28:1-9

LITABA ZE MWAHALI

  • Tapelo ya walisamu yautwiwa

    • ‘Jehova, maata aka ni tebe yaka’ (7)

Samu ya Davida. 28  Nizwelapili kuhuweleza ku wena, wena Jehova Licwe laka;+ Usike wanitibela zebe yahao. Haiba unikuzeza, Nikaba sina batu babashetumukela mwa mukoti.*+   Uutwe likupo zaka za kuli unituse Haninanulela mazoho aka mwahalimu ninze nitalimezi kwa muzuzu wa mwahali wa sibaka sahao sesikenile.+   Usike wanishimbelela hamoho ni babamaswe, babaeza zemaswe,+ Bababulelelana manzwi a kozo ni banabahabo bona kono mwa lipilu zabona kuinzi lunya.+   Ubakutiseze ka kuya ka likezo zabona,+ Ka kuya ka likezo zabona za lunya. Ubakutiseze kabakala misebezi ya mazoho abona, Ka kuya ka zebaezize.+   Kakuli habaisi pilu kwa misebezi ya Jehova,+ Kamba kwa musebezi wa mazoho ahae.+ Uka bashandaula, isiñi kubayaha.   Jehova alumbekwe, Kakuli uutwile likupo zaka za kuli anituse.   Jehova ki maata aka+ ni tebe yaka;+ Pilu yaka isepile yena.+ Niamuhezi tuso yahae, mi pilu yaka itabile, Kabakaleo nika mulumbeka ka pina yaka.   Jehova ki maata a batu bahae; Ki musilelezi, upilisa mutoziwa wahae ka puluso yetuna.+   Pilisa batu bahao, mi ufuyole saanda sahao.+ Ubalise mi ubalwale mwa mazoho ahao kuya kuile.+

Litaluso ze kwatasi

Kamba “libita.”