Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 26:1-12

LITABA ZE MWAHALI

  • Kuzamaya ka kusepahala

    • “Unitatube, wena Jehova” (2)

    • Kuambuka liango zemaswe (4, 5)

    • ‘Nikapotoloha aletare ya Mulimu’ (6)

Samu ya Davida. 26  Uniatule, Jehova, kakuli nizamaile ka kusepahala;+ Nisepile Jehova nisazikinyehi.+   Unitatube, wena Jehova, mi unilike; Ukenise mihupulo yaka yetibile* ni pilu yaka.+   Kakuli lilato lahao lelisa feli li fapilaa ka kamita, Mi nizamaya mwa niti yahao.+   Haniswalisani* ni bapumi,+ Mi niambuka babapata sebali sona.*   Nitoile siango sa batu babamaswe,+ Mi nihanile kuswalisana* ni babamaswe.+   Nikatapisa mazoho aka ka kubonisa kuli hanina mulatu, Mi nikapotoloha aletare yahao, wena Jehova,   Kuli niutwahalise buitumelo bwaka+ Ni kuzibahaza misebezi yahao kaufela yekomokisa.   Jehova, nilata ndu moupila,+ Sona sibaka mokuinzi kanya yahao.+   Usike waniyundiseleza hamoho ni baezalibi+ Kamba kunibulaelela hamoho ni batu ba mifilifili,* 10  Bao mazoho abona aeza zeswabisa, Ni bao lizoho labona la bulyo litezi likweta. 11  Haili na, nikazamaya ka kusepahala. Unilamulele* mi unishemube. 12  Lihutu laka liyemi mwa sibaka sesipatami;+ Nikalumbeka Jehova mwa puteho yetuna.*+

Litaluso ze kwatasi

Kamba “maikuto aka atibile.” Linzwi ka linzwi, “lipio zaka.”
Linzwi ka linzwi, “Haniini.”
Kamba “haniswalisani ni baipi.”
Linzwi ka linzwi, “kuina.”
Kamba “batu babasulula mali.”
Linzwi ka linzwi, “Uniliulule.”
Linzwi ka linzwi, “mwa mikopano.”