Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 25:1-22

LITABA ZE MWAHALI

  • Tapelo ya kukupa ketelelo ni kuswalelwa libi

    • “Unilute linzila zahao” (4)

    • ‘Balikani ba Jehova babatuna’ (14)

    • “Uniswalele libi zaka kaufela” (18)

Samu ya Davida. א [Aleph] 25  Jehova, nitaha ku wena ka tapelo. ב [Beth]   Mulimu waka, nisepile wena;+ Usike wanituhelela kuswaba.+ Usike watuhelela lila zaka kutabiswa ki manyando aka.+ ג [Gimel]   Kaniti hakuna mutu yakusepile yakaswaba,+ Kono babapuma kusina libaka ki bona babaka swaba.+ ד [Daleth]   Unizibise linzila zahao, wena Jehova;+ Unilute linzila zahao.+ ה [He]   Unizamaise mwa niti yahao mi unilute,+ Kakuli ki wena Mulimu yanipilisa. ו [Waw] Nisepile wena lizazi kaufela. ז [Zayin]   Uhupule makeke ahao, wena Jehova, ni lilato lahao lelisa feli,+ Zeubonisize kamita.*+ ח [Heth]   Usike wahupula libi zaka za kwa bunca ni milatu yaka. Unihupule ka kuya ka lilato lahao lelisa feli,+ Kabakala bunde bwahao, wena Jehova.+ ט [Teth]   Jehova ki yomunde mi unani niti.+ Ki lona libaka haaluta baezalibi nzila ya kupila ka yona.+ י [Yod]   Ukaetelela babaishuwa mwa nzila yelukile,*+ Mi ukaluta babaishuwa nzila yahae.+ כ [Kaph] 10  Linzila kaufela za Jehova ki za lilato lelisa feli ni busepahali Ku babamamela tumelelano yahae+ ni likupuliso zahae.+ ל [Lamed] 11  Kabakala libizo lahao, wena Jehova,+ Uniswalele bufosi bwaka, nihaike kuli ki bobutuna. מ [Mem] 12  Ki ufi mutu yasaba Jehova?+ Uka muluta nzila yaswanela kuketa.+ נ [Nun] 13  Ukaikola zende,+ Mi babasimuluha ku yena* bakaluwa lifasi.+ ס [Samekh] 14  Babasaba Jehova ki bona balikani bahae babatuna,+ Mi ubazibisa tumelelano yahae.+ ע [Ayin] 15  Meeto aka atalimezi ku Jehova kamita,+ Kakuli ukakayutula mahutu aka mwa kanyandi.+ פ [Pe] 16  Unitalime mi unishemube, Kakuli niinzi ninosi mi hakuna yanitusa. צ [Tsade] 17  Manyando a mwa pilu yaka aekezehile;+ Ufelise manyando aka. ר [Resh] 18  Ubone manyando aka ni butata bonili ku bona,+ Mi uniswalele libi zaka kaufela.+ 19  Ubone moliatezi lila zaka Ni moli nitoyezi maswe. ש [Shin] 20  Usileleze bupilo* bwaka mi unipilise.+ Usike wanituhelela kuswaba, kakuli nisabezi ku wena. ת [Taw] 21  Haike busepahali ni niti yaka linisileleze,+ Kakuli nisepile wena.+ 22  Wena Mulimu, lamulela* Isilaele mwa liziyezi zahae kaufela.

Litaluso ze kwatasi

Kamba “Zezwelela kwakale.”
Linzwi ka linzwi, “mwa katulo.”
Linzwi ka linzwi, “peu yahae.”
Kamba “moyo.”
Linzwi ka linzwi, “liulula.”