Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 24:1-10

LITABA ZE MWAHALI

  • Mulena yanani kanya ukena mwa minyako

    • “Lifasi ki la Jehova” (1)

Samu ya Davida. 24  Lifasi ki la Jehova ni zeinzi mwateñi kaufela,+ Naha ni babayahile ku yona.   Kakuli ulitomile ka kutiya fa mawate+ Mi ulitiisize fa linuka.   Ki mañi yakona kukambamela fa lilundu la Jehova,+ Mi ki mañi yakona kuyema mwa sibaka sahae sesikenile?   Ki mutu kaufela wa mazoho asina mulatu, wa pilu yekenile,+ Yasika konka taba ya buhata ka bupilo Bwaka,* Kamba kuitama ka bupumi.+   Ukafiwa limbuyoti ki Jehova+ Ni kufiwa kuluka* ki Mulimu yamupilisa.+   Lo ki lona lusika lwa baba mubata, Lwa bababata pata yahao, wena Mulimu wa Jakobo. (Selah)   Munangukise litoho zamina, mina minyako ya muleneñi;+ Amukwaluhe,* mina minyako yakale, Kuli Mulena yanani kanya akene!+   Ki mañi Mulena yo yanani kanya? Ki Jehova, yatiile ni yamaata,+ Ki Jehova, yanani maata mwa ndwa.+   Munangukise litoho zamina, mina minyako ya muleneñi;+ Amukwaluhe, mina minyako yakale, Kuli Mulena yanani kanya akene! 10  Ki mañi yena Mulena yo yanani kanya? Ki Jehova wa limpi—ki yena Mulena yanani kanya.+ (Selah)

Litaluso ze kwatasi

Kamba “moyo Waka,” ili kutalusa bupilo bwa Jehova bwakonka ka bona mutu.
Kamba “katulo yelukile.”
Kamba “Amuyeme.”