Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 21:1-13

LITABA ZE MWAHALI

  • Kufuyolwa kwa mulena yasepile Jehova

    • Mulena ufiwa bupilo bobutelele (4)

    • Lila za Mulimu likatulwa (8-12)

Ku muzamaisi wa lipina. Samu ya Davida. 21  Wena Jehova, mulena utabiswa ki maata ahao;+ Utabiswa hahulu ki likezo zahao za kupilisa!+   Umufile seilakaza pilu yahae,+ Mi hausika hana kumufa seukupile mulomo wahae. (Selah)   Kakuli utaha ku yena ka limbuyoti zetuna; Umuapesa kuwani ya bulena ya gauda yekenile* kwa toho yahae.+   Naakukupile bupilo, mi seumufa bona,+ Bupilo bobutelele,* bwa kamita ni kuya kuile.   Likezo zahao za kupilisa limufa kanya yetuna.+ Umuapesa kukutekeha ni kutompeha.   Umuezize yafuyozwi kuya kuile;+ Wamutabisa kabakala kuli uinzi bukaufi ni yena.+   Kakuli mulena usepile Jehova;+ Haana kunyanganyiswa nikamuta,* kabakala lilato lelisa feli la Yapahami ka Kufitisisa.+   Lizoho lahao likafumana lila zahao kaufela; Lizoho lahao la bulyo likafumana baba kutoile.   Uka baeza sina liyekuyeku la mulilo ka nako yetomilwe hauka batalima. Jehova uka bamiza ka buhali bwahae, mi mulilo uka bacisa.+ 10  Ukayundisa babasimuluha ku bona mwa lifasi, Ni bana babona mwahalaa bana ba batu. 11  Kakuli nebabata kueza zemaswe ku wena;+ Balelile milelo yesike yakonda.+ 12  Kakuli uka bakutisa mwamulaho+ Ka kubanongisa* buta bwahao. 13  Yema ka maata ahao, wena Jehova. Lukaopelela maata ahao milumbeko.

Litaluso ze kwatasi

Kamba “yekenisizwe.”
Linzwi ka linzwi, “Mazazi amañata.”
Kamba “Haana kutantalika (kuzikinyeha) nikamuta.”
Linzwi ka linzwi, “kubanongisa mwa lipata zabona.”