Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 19:1-14

LITABA ZE MWAHALI

  • Pupo ya Mulimu ni mulao wahae lifa bupaki

    • “Mahalimu abulela kanya ya Mulimu” (1)

    • Mulao wa Mulimu upetahalile, ukutiseza mutu maata (7)

    • “Libi zeniezize nisika lemuha” (12)

Ku muzamaisi wa lipina. Samu ya Davida. 19  Mahalimu abulela kanya ya Mulimu;+ Mbyumbyulu izibahaza misebezi ya mazoho ahae.+   Zabulela, lizazi ni lizazi, Mi lipatulula zibo, busihu ni busihu.   Hakuna pulelo, mi hakuna manzwi; Linzwi lazona haliutwahali.   Kono manzwi* azona aile mwa lifasi kaufela, Mi lushango lwazona luizo fita kwa mafelelezo a lifasi.*+ Utomezi lizazi tende mwa mahalimu;   Liswana sina munyali yazwa mwa musiyo wahae; Liswana sina muuna yamaata yatabela kumata mwa nzila yahae.   Lipumbuka kwa neku leliñwi la mahalimu, Mi lipotoloha kuya kwa neku leliñwi la mahalimu;+ Mi hakuna sesikona kuipata kucisa kwalona.   Mulao wa Jehova upetahalile,+ ukutiseza mutu maata.+ Likupuliso za Jehova zasepahala,+ litalifisa yasina zibo.+   Litaelo za Jehova lilukile, litabisa pilu;+ Mulao wa Jehova ukenile, ubenyisa meeto.+   Sabo ya kusaba Jehova+ ikenile, ki ya kuya kuile. Likatulo za Jehova ki za niti, kaufelaa zona lilukile.+ 10  Lilakazeha hahulu kufita gauda, Kufita gauda yekenile hahulu,*+ Mi limunati hahulu kufita linosi,+ linosi zelota kwa likukula. 11  Mutangaa hao ulemusizwe ka zona;+ Kulimamela kufumanisa mupuzo omutuna.+ 12  Ki mañi yakona kulemuha mafosisa ahae?+ Uniswalele libi zeniezize nisika lemuha. 13  Mi utibele mutangaa hao kwa likezo za buikuhumuso;+ Usike walituhelela kunibusa.+ Fohe, nikaba yakwanile,+ Mi hanina kuba ni mulatu wa kueza libi nisaswabi.* 14  Manzwi a mwa mulomo waka ni zenikengeyela mwa pilu yaka Likutabise,+ wena Jehova, wena Licwe laka+ ni Muliululi waka.+

Litaluso ze kwatasi

Kamba mwendi, “muhala wa kumishalisa.”
Kamba “naha.”
Kamba “yekenisizwe.”
Kamba “kueza lifoso zeñata.”