Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 17:1-15

LITABA ZE MWAHALI

  • Tapelo ya kukupa silelezo

    • “Utatubile pilu yaka” (3)

    • “Mwa muluti wa mafufa ahao” (8)

Tapelo ya Davida. 17  Wena Jehova, uutwe kupo yaka ya kuli niatulelwe ka kuluka;Uteeleze kwa muhuwo waka wa kukupa tuso;Uteeleze kwa tapelo yaka yenilapela nisina bupumi.+   Uniatulele ka kuluka;+Meeto ahao abone sesilukile.   Utatubile pilu yaka, uninyakile busihu;+Unikenisize;+Ukafumana kuli hanisika lela sesimaswe,Mi mulomo waka hausika fosa.   Haili ka za misebezi ya batu,Niambuka linzila za lisholi, kulikana ni linzwi la mulomo wahao.+   Haike nizwelepili kuzamaya mwa linzila zahaoKuli mahutu aka asike asitatala.+   Wena Mulimu, nilapela ku wena, kakuli uka nialaba.+ Usikekele zebe yahao* ku na. Utwa manzwi aka.+   Bonisa lilato lahao lelisa feli, ulibonise ka nzila yekomokisa,+Wena Mupilisi wa babasabela kwa lizoho lahao la bulyoIli bona babasaba baba kufetuhela.   Unisileleze inge taku ya liito lahao;+Unipate mwa muluti wa mafufa ahao.+   Unisileleze ku babamaswe baba nilwanisa,Kwa lila zaka zeenipotolohile.+ 10  Habasana makeke;*Babulela ka buikuhumuso ka mulomo wabona; 11  Cwale balubeile mwahali;+Balibelezi kolo ya kuluwisa.* 12  Yamaswe uswana inge tau yenyolezwi kupapaula mbuya yayona,Inge tau ya mwana yebata kutaseza mbuya. 13  Yema, wena Jehova, ukopane ni yena+ mi umuwiseze fafasi;Unilamulele ku babamaswe ka mukwale wahao; 14  Unilamulele ka lizoho lahao, wena Jehova,Kwa batu ba lifasi* le, babanani kabelo mwa bupilo bo,+Beufa lika zende+Ni babasiyela bana babona babañata saanda. 15  Haili na, nikabona pata yahao ka kuluka kwaka; Nitabela kuba fapilaa hao hanizuha.*+

Litaluso ze kwatasi

Kamba “Inama uteeleze.”
Kamba “Baikwalezi mwa mafula abona.”
Kamba “kuluwiseza fafasi.”
Kamba “muinelo wa lifasi.”
Kamba “Nitabela kubona moubonahalela.”