Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 16:1-11

LITABA ZE MWAHALI

  • Jehova, bunde bufumanwa ku yena

    • “Jehova ki yena kabelo yaka” (5)

    • ‘Busihu, mihupulo yaka yanihakulula’ (7)

    • ‘Jehova uinzi kwa lizoho laka la bulyo’ (8)

    • “Hauna kunituhelela mwa Libita” (10)

Mikitami* ya Davida. 16  Unisileleze, wena Mulimu, kakuli nisabezi ku wena.+   Nibulelezi Jehova kuli: “Ki wena Jehova, bunde nibufumana ku wena.   Mi babakenile mwa lifasi, Babakutekeha, banifumanisa tabo yetuna.”+   Babatukufalezwi kusebeleza milimu isili baatisa maswabi abona.+ Nikamuta hanina kuiezeza linubu zenwiwa za mali, Mi mulomo waka hauna kubulela mabizo ayona.+   Jehova ki yena kabelo yaka, saanda saka,+ ni komoki yaka.+ Ki wena yasileleza saanda saka.   Nipumezwi libaka zende. Nitabela saanda saka.+   Nikalumbeka Jehova, yanifile kelezo.+ Nihaiba busihu, mihupulo yaka yetibile* yanihakulula.+   Nibeile Jehova fapilaa ka kamita.+ Hanina kunyanganyiswa nikamuta,* kakuli uinzi kwa lizoho laka la bulyo.+   Kabakaleo pilu yaka itabile, nitabile hahulu.* Mi nipila* mwa buiketo. 10  Kakuli hauna kunituhelela mwa Libita.*+ Hauna kulumeleza yasepahala wahao kuli abone mukoti.*+ 11  Unizibisa nzila ya bupilo.+ Fapilaa hao* kutezi tabo yetuna;+ Kwa lizoho lahao la bulyo kunani tabo* kuya kuile.

Litaluso ze kwatasi

Kamba “maikuto aka atibile.” Linzwi ka linzwi, “lipio zaka.”
Kamba “Hanina kutantalika (kuzikinyeha) nikamuta.”
Linzwi ka linzwi, “kanya yaka itabile hahulu.”
Kamba “mubili waka upila.”
Kamba “Sheoli,” fo kikuli, sibaka sa swanisezo sa babashwile. Mubone Litaluso za Manzwi.
Kamba mwendi, “kuli abone kubola.”
Linzwi ka linzwi, “Fapilaa pata yahao.”
Kamba “kwatabisa.”