Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 147:1-20

LITABA ZE MWAHALI

  • Kulumba misebezi ya Mulimu yebonisa lilato ni maata

    • Ufolisa babalobehile lipilu (3)

    • Ubiza linaleli kaufela ka mabizo azona (4)

    • Unelisa litwa inge boya bobusweu bwa folofolo (16)

147  Mulumbeke Jah!* Kuopelela Mulimu waluna milumbeko ki nto yende;Kumulumbeka ki nto yetabisa hahulu mi kwaswanela!+   Jehova uyaha Jerusa­lema;+Ukubukanya babahasanyizwe ba Isilaele.+   Ufolisa babalobehile lipilu;Utama litombo zabona.   Ubala palo ya linaleli;Ulibiza ka mabizo kaufelaa zona.+   Mulenaa luna ki yomutuna mi unani maata amatuna;+Kutwisiso yahae haina maciñekelo.+   Jehova upahamisa babaishuwa,+Kono unepela babamaswe fafasi.   Muopelele Jehova ka buitumelo;Muopelele Mulimu waluna milumbeko, ka harepa,   Yena yakwahela mahalimu ka malu,Yaneliseza lifasi pula,+Yamelisa bucwañi+ fa malundu.   Ufa lifolofolo lico,+Ufepa bana ba mañwalala babalilela lico.+ 10  Maata a pizi haki sesiñwi ku yena;+Ni mahutu atiile a mutu haki sesiñwi ku yena.+ 11  Jehova utabela baba musaba,+Babalibelela lilato lahae lelisa feli.+ 12  Ukanyise Jehova, wena Jerusalema. Ulumbeke Mulimu wahao, wena Sione. 13  Mulimu utiisa lipakiso za minyako yahao;Ufuyola bana bahao babapila ku wena. 14  Utahisa kozo mwa naha yahao;+Ukukulisa ka buloto bobunde hahulu.+ 15  Uluma taelo yahae fa lifasi;Linzwi lahae limata ka bubebe. 16  Unelisa litwa inge boya bobusweu bwa folofolo;+Mezi akangezi uahasanya inge mufuse.+ 17  Macwe ahae a simbwewewe* uanelisa inge buemba-­emba bwa sinkwa.+ Ki mañi yakona kuitiisa kwa silami sahae?+ 18  Uluma linzwi lahae, mi zashengunuka. Ufukisa moya wahae,+ mi mezi abuba. 19  Uzibahaza linzwi lahae ku Jakobo,Uzibahaza litaelo ni likatulo zahae ku Isilaele.+ 20  Haasika eza cwalo kwa sicaba sisili;+Habazibi sesiñwi ka za likatulo zahae. Mulumbeke Jah!*+

Litaluso ze kwatasi

Kamba “Halelujah!” “Jah” ki kupumela libizo la Jehova.
Kamba “Mezi akangezi.”
Kamba “Halelujah!” “Jah” ki kupumela libizo la Jehova.