Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 145:1-21

LITABA ZE MWAHALI

  • Kulumbeka Mulimu, Mulena yomutuna

    • ‘Nikazibahaza butuna bwa Mulimu’ (6)

    • “Jehova ueza hande libupiwa zahae kaufela” (9)

    • “Babasepahala bahao baka kulumbeka” (10)

    • Bulena bwa Mulimu bwa kuya kuile (13)

    • Lizoho la Mulimu likulisa takazo ya zepila kaufela (16)

Pina ya Davida ya milumbeko. א [Aleph] 145  Nika kububeka, wena Mulena Mulimu waka,+ Nikalumbeka libizo lahao kamita ni kuya kuile.+ ב [Beth]   Nika kulumbeka lizazi kaufela;+ Nikalumbeka libizo lahao kamita ni kuya kuile.+ ג [Gimel]   Jehova ki yomutuna mi uswanelwa hahulu kulumbekwa;+ Butuna bwahae habukonwi kubatisiswa.*+ ד [Daleth]   Lusika ni lusika lukalumba misebezi yahao; Bakabulela za likezo zahao zemaata.+ ה [He]   Bakabulela za kanya ya bulena bwahao+ Mi nikakengeyela misebezi yahao yekomokisa. ו [Waw]   Bakabulela za likezo* zahao zesabisa, Mi nikazibahaza butuna bwahao. ז [Zayin]   Bakabulela ka mafulofulo habahupula bunde bwahao bobutuna,+ Mi bakahuweleza ka tabo kabakala kuluka kwahao.+ ח [Heth]   Jehova unani mukekecima* ni sishemo,+ Haakufi kuhalifa mi utezi lilato lelisa feli.+ ט [Teth]   Jehova ueza hande libupiwa zahae kaufela,+ Mi makeke ahae abonahala mwa misebezi yahae kamukana. י [Yod] 10  Misebezi yahao kaufela ika kulumbeka, wena Jehova,+ Mi babasepahala bahao baka kulumbeka.+ כ [Kaph] 11  Bakazibahaza kanya ya bulena bwahao+ Ni kubulela za maata ahao,+ ל [Lamed] 12  Kuli bazibise batu likezo zahao zemaata+ Ni kanya ya bulena bwahao.+ מ [Mem] 13  Bulena bwahao ki bulena bwa kuya kuile, Mi puso yahao ki ya mwa masika kaufela.+ ס [Samekh] 14  Jehova utiisa babawa kaufela+ Mi uyemisa babaobami kaufela.+ ע [Ayin] 15  Meeto a zepila kamukana atalimezi ku wena ka sepo; Ulifa lico zazona ka nako yeswanela.+ פ [Pe] 16  Ufumbutula lizoho lahao Mi ukulisa takazo ya zepila kaufela.+ צ [Tsade] 17  Jehova ki yalukile mwa linzila zahae kamukana+ Mi ki yasepahala ku zaeza kaufela.+ ק [Qoph] 18  Jehova u fakaufi ni babahuweleza ku yena kaufela,+ U fakaufi ni babahuweleza kuyena kaufela ka niti.+ ר [Resh] 19  Ukolwisa takazo ya baba musaba;+ Uutwa muhuwo wabona wa kuli abatuse, mi wabalamulela.+ ש [Shin] 20  Jehova usileleza baba mulata kaufela,+ Kono ukayundisa babamaswe kaufela.+ ת [Taw] 21  Mulomo waka ukazibahaza milumbeko ya Jehova;+ Zepila kaufela* lilumbeke libizo lahae lelikenile kamita ni kuya kuile.+

Litaluso ze kwatasi

Kamba “kuutwisiswa.”
Kamba “maata.”
Kamba “musa.”
Linzwi ka linzwi, “Nama kaufela.”