Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 144:1-15

LITABA ZE MWAHALI

  • Tapelo ya kukupa kufiwa tulo

    • “Mutu ki mañi?” (3)

    • ‘Haike lila lihasanywe’ (6)

    • Tabo ki ya batu ba Jehova (15)

Samu ya Davida. 144  Haike Jehova, yena Licwe laka,+ alumbekwe, Yena yaluta mazoho aka ndwa, Ni kuluta minwana yaka kulwana.+   Ki yena lilato laka lelisa feli ni musilelezi waka, Masabelo aka atiile* ni mulamuleli waka, Tebe yaka ni konifumana makundamo,+ Yena yakoma macaba kuabeya mwatasaa ka.+   Wena Jehova, mutu ki mañi kuli umulemuhe, Mwanaa mutu ki mañi kuli umuise pilu?+   Mutu uswana sina moya feela obululwa;+ Mazazi ahae aswana sina muluti ofita.+   Wena Jehova, shetumuna* mahalimu ahao mi utuluke;+ Uswale malundu mi uatunyise musi.+   Umyamyatise mamonyi ni kuhasanya lila;+ Ukunupe masho ahao ni kubakalelwisa.+   Uotolole mazoho ahao unze uli kwahalimu; Unilamulele ni kunipilisa kwa mezi abifile, Kwa lizoho la bazwahule,+   Ba milomo yebulela buhata Ni babayemiseza lizoho labona la bulyo mwahalimu, kukonka za buhata.*   Wena Mulimu, nika kuopelela pina yenca.+ Nika kuopelela milumbeko, ka sesilizwa sa mihala yelishumi, 10  Wena yafa malena tulo,*+ Yalamulela mutangaa hae Davida kuli asike abulaiwa ka mukwale.+ 11  Unilamulele ni kunipilisa kwa lizoho la bazwahule, Ba milomo yebulela buhata Ni babayemiseza lizoho labona la bulyo mwahalimu, kukonka za buhata. 12  Mi fo, bana baluna babashimani bakaba sina limela zenca, zehula kapili, Bana baluna babasizana bakaba sina misumo yebetilwe kuli iitusiswe kwa ndu ya bulena. 13  Mabulukelo aluna akatala lico za mufuta kaufela; Mitapi ya mwa masimu aluna ikaata kuba likiti-kiti ze mashumi-shumi. 14  Likomu zaluna za mafuta halina kutahelwa ki kozi kamba kufoloza; Hakuna kuba ni muhuwo wa kuziyeleha mwa mapatelo aluna. 15  Tabo ki ya batu babaezahalelwa ki zecwalo! Tabo ki ya batu bao Jehova ali Mulimu wabona!+

Litaluso ze kwatasi

Kamba “Sibaka saka sesilumbile sa silelezo.”
Kamba “sika­misa.”
Linzwi ka linzwi, “Lizoho labona la bulyo ki lizoho la bulyo la bupumi.”
Kamba “puluso.”