Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lisamu 143:1-12

LITABA ZE MWAHALI

  • Kunyolelwa Mulimu sina naha yeomile

    • ‘Ninahanisisa misebezi yahao’ (5)

    • “Unilute kueza tato yahao” (10)

    • ‘Haike moya wahao omunde unietelele’ (10)

Samu ya Davida. 143  Wena Jehova, uutwe tapelo yaka;+ Uutwe kupo yaka ya kuli unituse. Unialabe ka kusepahala kwahao ni ka kuluka kwahao.   Usike wazekisa mutangaa hao, Kakuli ku babapila hakuna yakona kuba yalukile fapilaa hao.+   Kakuli sila sinindongwami; Sihatikezi bupilo bwaka fafasi. Sitahisize kuli nipile mwa lififi sina batu babashwile kale-kale.   Moya* waka wafokola;+ Pilu yaka imbumbile.+   Nihupula mazazi a kwakale; Nikengeyela zeuezize kaufela;+ Ninahanisisa* hahulu musebezi wa mazoho ahao.   Ninanulela mazoho aka ku wena; Niswana sina naha yeomile yenyolezwi wena.+ (Selah)   Unialabe kapili, wena Jehova;+ Maata* aka afelile.+ Usike wanipatela pata yahao,+ Kuli nisike naswana sina babashetumukela mwa mukoti.*+   Uniutwise lilato lahao lelisa feli kakusasana, Kakuli nikusepile. Unizibise nzila yeniswanela kuzamaya ku yona,+ Kakuli nisikuluhela ku wena.   Unilamulele kwa lila zaka, wena Jehova. Nibata kusilelezwa ki wena.+ 10  Unilute kueza tato yahao,+ Kakuli ki wena Mulimu waka. Moya wahao ki omunde; Haike unietelele mwa naha yepatami.* 11  Wena Jehova, ubukeleze bupilo bwaka kabakala libizo lahao. Unilamulele mwa ziyezi ka kuluka kwahao.+ 12  Uyundise* lila zaka kabakala lilato lahao lelisa feli;+ Utimeze kaufela baba ninyandisa,+ Kakuli ni mutangaa hao.+

Litaluso ze kwatasi

Kamba “Maata.”
Kamba “Niituta.”
Linzwi ka linzwi, “Moya.”
Kamba “libita.”
Kamba “mwa naha ya babanani niti.”
Linzwi ka linzwi, “Ukuzise.”