Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 142:1-7

LITABA ZE MWAHALI

  • Tapelo ya kukupa kulamulelwa kwa banyandisi

    • “Hakuna konikona kusabela” (4)

    • “Ki wena feela yeninani” (5)

Masikili.* Samu ya Davida hanaali mwa mukoti.+ Tapelo. 142  Nihuweleza ku Jehova ka linzwi laka kuli anituse;+ Niitilelela ku Jehova ka linzwi laka kuli anishemube.   Nimubulelela pilaelo yaka; Nimutaluseza ziyezi yaka+   Moya* waka haufokola. Mi cwale ubona nzila yaka.+ Mwa nzila yenizamaya ku yona, Baniteela katwa.   Talima kwa lizoho laka la bulyo mi ubone Kuli hakuna yaniisa pilu.*+ Hakuna konikona kusabela;+ Hakuna yanani taba ni na.   Nihuweleza ku wena Jehova kuli unituse. Nili: “Ki wena masabelo aka,+ Ki wena feela yeninani* mwa naha ya babapila.”   Uteeleze kwa kupo yaka ya kuli unituse, Kakuli nikokobelizwe hahulu. Unilamulele ku baba ninyandisa,+ Kakuli bamaata kunifita.   Unizwise mwa tolongo ya fafasi Kuli nilumbeke libizo lahao. Babalukile bakubukane mwa matuko aka Kabakala kuli unieza hande.

Litaluso ze kwatasi

Kamba “Maata.”
Linzwi ka linzwi, “yanilemuha.”
Linzwi ka linzwi, “Ki wena kabelo yaka.”