Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 141:1-10

LITABA ZE MWAHALI

  • Tapelo ya kukupa silelezo

    • “Haike tapelo yaka ibe sina insense” (2)

    • Kalimelo ya mutu yalukile iswana sina oli (5)

    • Babamaswe bawela mwa tunyandi twabona beñi (10)

Samu ya Davida. 141  Nihuweleza ku wena, Jehova.+ Utahe kapili kuli uto ni­tusa.+ Uniteeleze hanihuweleza ku wena.+   Haike tapelo yaka ibe sina insense+ yelukisizwe fapilaa hao,+Mazoho aka aayemiselizwe mwahalimu abe sina nubu ya bubeke ya manzibwana.+   Wena Jehova, ubeye mukanteli yakakantela mulomo waka,Ubeye mulibeleli yakalibelela munyako wa mulomo waka.+   Usike watuhelela pilu yaka kutengamela kwa nto ifi kamba ifi yemaswe,+Kuli nisike naeza lika zemaswe ni batu babamaswe;Nisike naca kwa manjwanjwali abona.   Yalukile haiba aninata, ikaba kunibonisa lilato lelisa feli;+Haiba anikalimela, ikaba inge oli fa toho yaka,+Yene isike yahaniwa ki toho yaka.+ Nikazwelapili kulapela niha bali mwa liziyezi.   Baatuli babona niha banepelwa fafasi kuzwa fa liñope,Batu bakautwa manzwi aka, kakuli ki amande.   Sina mutu hakekela ni kupazula mubu, Masapo aluna ni ona ahasanyizwe cwalo kwa mulomo wa Libita.*   Kono meeto aka atalimezi wena Jehova Mulena Yapahami ka Kufitisisa.+ Nisabezi ku wena. Usike watuhelela bupilo bwaka kusinyeha.   Unisileleze kwa katwa keba niteezi,Kwa malaba a babamaswe. 10  Babamaswe bakawela mwa tunyandi twabona beñi,+Na, inze niipitela feela kusina kozi.

Litaluso ze kwatasi

Kamba “Sheoli,” fo kikuli, sibaka sa swanisezo sa babashwile. Mubone Litaluso za Manzwi.