Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 140:1-13

LITABA ZE MWAHALI

  • Jehova, ki Mupilisi yamaata

    • Batu babamaswe baswana sina linoha (3)

    • Batu ba mifilifili bakabulaiwa (11)

Ku muzamaisi wa lipina. Samu ya Davida. 140  Unilamulele kwa batu babanani lunya, wena Jehova; Unisileleze kwa batu ba mifilifili,+   Bona babalela bumaswe mwa lipilu zabona+ Ni kushaka lindwa lizazi kaufela.   Baloza lulimi lwabona inge lwa noha;+ Sifanu sa libili si mwatasaa milomo yabona.+ (Selah)   Unisileleze kwa mazoho a babamaswe, wena Jehova;+ Unibukeleze kwa batu ba mifilifili, Bona babalela kuniwisa.   Babaikuhumusa baniteela katwa; Banilalekela kanyandi kwatuko ni nzila ka kuitusisa mihala.+ Baniteela malaba.+ (Selah)   Nibulelela Jehova, nili: “Ki wena Mulimu waka. Uutwe likupo zaka za kuli unituse, wena Jehova.”+   Jehova, wena Mulena Yapahami ka Kufitisisa, Mupilisi waka yamaata, Usileleza toho yaka mwa lizazi la ndwa.+   Wena Jehova, usike wafa babamaswe zebalakaza. Usike walumeleza milelo yabona yemaswe kukonda, kuli basike baipahamisa.+ (Selah)   Haike litoho za baba nipotolohile Liwelwe ki bumaswe bobabulezi ka milomo yabona.+ 10  Basuluhelwe ki mashala aatuka.+ Banepelwe mwa mulilo, Mwa mikoti yetungile,*+ mi basike bazuha hape. 11  Lisawana asike afumana sibaka mwa lifasi.*+ Bumaswe buunjame batu ba mifilifili mi bubabulaye. 12  Naziba kuli Jehova ukayemela ba mayemo a kwatasi Ni kuatulela babotana ka kuluka.+ 13  Kaniti, babalukile bakalumbeka libizo lahao; Babanani niti bakapila fapilaa pata yahao.*+

Litaluso ze kwatasi

Kamba “Mwa mikoti ya mezi.”
Kamba “mwa naha.”
Kamba “fapilaa hao.”