Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 14:1-7

LITABA ZE MWAHALI

  • Sikuba sataluswa

    • “Hakuna Jehova” (1)

    • “Hakuna yaeza sesinde” (3)

Ku muzamaisi wa lipina. Samu ya Davida. 14  Sikuba* siipulelela mwa pilu yasona kuli: “Hakuna Jehova.”+ Likezo zabona limaswe, mi zebaeza zanyenyisa; Hakuna yaeza sesinde.+   Kono Jehova utalimela bana ba batu fafasi inzaa li kwa lihalimu Kuli abone haiba kunani yanani kutwisiso, haiba kunani yabata Jehova.+   Kaufelaa bona bakeluhile;+ Kaufelaa bona habasepahali. Hakuna yaeza sesinde, Nihaiba alimuñwi haayo.   Kana ku babaeza zemaswe hakuna yautwisisa? Baca batu baka inge babaca sico. Habalapeli Jehova.   Kono bakaswalwa ki sabo yetuna,+ Kakuli Jehova uinzi ni lusika lwa babalukile.   Mina babaeza zemaswe mulika kupalelwisa milelo ya munyandi, Kono Jehova ki yena masabelo ahae.+   Haike kupiliswa kwa Isilaele kuzwe kwa Sione!+ Jehova hakakutisa batu bahae bane bahapilwe, Jakobo atabe, Isilaele awabelwe.

Litaluso ze kwatasi

Kamba “Yasina ngana.”