Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lisamu 138:1-8

LITABA ZE MWAHALI

  • Mulimu niha li yapahami, waiyakatwa batu

    • ‘Neualabile tapelo yaka’ (3)

    • ‘Niha nili mwa lubeta, waniyangwela’ (7)

Samu ya Davida. 138  Nika kulumbeka ka pilu yaka kaufela.+ Fapilaa milimu yemiñwi, Nikaopela milumbeko.*   Nikakubama inze nitalimezi kwa tempele yahao yekenile,*+ Mi nikalumbeka libizo lahao+ Kabakala lilato lahao lelisa feli ni busepahali bwahao. Kakuli ububanisize linzwi lahao ni libizo lahao kufita lika zeñwi kaufela.*   Neu nialabile mwa lizazi lene nihuwelelize ku wena;+ Neu nifile bundume mi neu nitiisize.+   Malena kaufela ba lifasi baka kulumbeka, wena Jehova,+ Kakuli bakabe bautwile lisepiso zahao.   Bakaopela za linzila za Jehova, Kakuli kanya ya Jehova ki yetuna.+   Jehova niha li yapahami, ulemuha yaikokobeza,+ Kono yaikuhumusa umuzibela feela kwahule.+   Niha nili mwa lubeta, ukabukeleza bupilo bwaka.+ Uotolola lizoho lahao kulwanisa lila zaka zehalifile; Lizoho lahao la bulyo lika nipilisa.   Jehova ukapeta zanilelezi kaufela. Wena Jehova, lilato lahao lelisa feli liina kuya kuile;+ Usike wafulalela misebezi ya mazoho ahao.+

Litaluso ze kwatasi

Kamba mwendi, “Ka kushwaula milimu yemiñwi, nika kulizeza lipina.”
Kamba “sibaka sahao sesike­nile.”
Kamba mwendi, “ububanisize linzwi lahao kufita libizo lahao.”