Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lisamu 136:1-26

LITABA ZE MWAHALI

  • Lilato la Jehova lelisa feli liina kuya kuile

    • Lihalimu ni lifasi liezizwe ka bukwala (5, 6)

    • Faro naashwezi mwa Liwate Lelifubelu (15)

    • Mulimu uhupula babalembwalile (23)

    • Lico lifiwa ku zepila kaufela (25)

136  Muitumele ku Jehova, kakuli ki yomunde;+ Lilato lahae lelisa feli liina kuya kuile.+   Muitumele ku Mulimu wa milimu,+ Kakuli lilato lahae lelisa feli liina kuya kuile.   Muitumele ku Mulena wa malena, Kakuli lilato lahae lelisa feli liina kuya kuile.   Ki yena anosi yaeza lika zetuna, zekomokisa,+ Kakuli lilato lahae lelisa feli liina kuya kuile.+   Naaezize mahalimu ka bucaziba bwahae,*+ Kakuli lilato lahae lelisa feli liina kuya kuile.   Naayanduluzi lifasi fahalimwaa mezi,+ Kakuli lilato lahae lelisa feli liina kuya kuile.   Naaezize maboni amatuna,+ Kakuli lilato lahae lelisa feli liina kuya kuile,   Lizazi, kuli libuse musihali,+ Kakuli lilato lahae lelisa feli liina kuya kuile,   Kweli ni linaleli, kuli libuse busihu,+ Kakuli lilato lahae lelisa feli liina kuya kuile. 10  Naabulaile baeli ba Egepita,+ Kakuli lilato lahae lelisa feli liina kuya kuile. 11  Naazwisize Isilaele mwahalaa bona,+ Kakuli lilato lahae lelisa feli liina kuya kuile, 12  Ka lizoho lelimaata+ ni lizoho leliotolohile, Kakuli lilato lahae lelisa feli liina kuya kuile. 13  Naabile Liwate Lelifubelu fahali,+ Kakuli lilato lahae lelisa feli liina kuya kuile. 14  Naafitisize Isilaele fahalaa lona,+ Kakuli lilato lahae lelisa feli liina kuya kuile. 15  Naawiselize Faro ni mpi yahae mwa Liwate Lelifubelu,+ Kakuli lilato lahae lelisa feli liina kuya kuile. 16  Naaetelezi batu bahae mwa lihalaupa,+ Kakuli lilato lahae lelisa feli liina kuya kuile. 17  Naabulaile malena babatuna,+ Kakuli lilato lahae lelisa feli liina kuya kuile. 18  Naabulaile malena babamaata, Kakuli lilato lahae lelisa feli liina kuya kuile, 19  Sihoni+ mulena wa Maamori, Kakuli lilato lahae lelisa feli liina kuya kuile, 20  Ni Ogo+ mulena wa Bashani, Kakuli lilato lahae lelisa feli liina kuya kuile. 21  Naafile naha yabona sina saanda,+ Kakuli lilato lahae lelisa feli liina kuya kuile, 22  Saanda ku Isilaele mutangaa hae, Kakuli lilato lahae lelisa feli liina kuya kuile. 23  Naaluhupuzi hane luziyelehile,+ Kakuli lilato lahae lelisa feli liina kuya kuile.+ 24  Naalulamulelanga kwa lila zaluna,+ Kakuli lilato lahae lelisa feli liina kuya kuile. 25  Ufa lico ku zepila kaufela,*+ Kakuli lilato lahae lelisa feli liina kuya kuile. 26  Muitumele ku Mulimu wa mahalimu, Kakuli lilato lahae lelisa feli liina kuya kuile.

Litaluso ze kwatasi

Kamba “ka kutwisiso yahae.”
Linzwi ka linzwi, “kwa nama kaufela.”