Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 135:1-21

LITABA ZE MWAHALI

  • Mulumbeke Jah kabakala butuna bwahae

    • Lisupo ni limakazo za kulwanisa Egepita (8, 9)

    • “Libizo lahao liina kuya kuile” (13)

    • Milimu ya maswaniso yesapili (15-18)

135  Mulumbeke Jah!* Mulumbeke libizo la Jehova; Mumufe milumbeko, mina batanga ba Jehova,+   Mina babayemi mwa ndu ya Jehova, Mwa malapa a ndu ya Mulimu waluna.+   Mulumbeke Jah, kakuli Jehova ki yomunde.+ Muopelele libizo lahae milumbeko, kakuli lakateleha.   Kakuli Jah uiketezi Jakobo, Uiketezi Isilaele kuli ibe sicaba sahae tota.*+   Kakuli naziba hande kuli Jehova ki yomutuna; Mulenaa luna ki yomutuna kufita milimu yemiñwi kaufela.+   Jehova ueza zalata kaufela+ Mwa lihalimu ni fa lifasi, mwa mawate ni mwa buliba kaufela.   Ukambamisa malu* kuzwelela kwa mafelelezo a lifasi; Uezeza pula mamonyi;* Ufukisa moya kuzwa mwa mabulukelo ahae.+   Naabulaile baeli ba Egepita, Baeli ba batu ni lifolofolo za maizibulo.+   Naalumile lisupo ni limakazo ku wena Egepita,+ Kulwanisa Faro ni batanga bahae kaufela.+ 10  Naanatile macaba amañata+ Mi naabulaile malena babamaata+ 11  —Sihoni mulena wa Maamori,+ Ogo mulena wa Bashani,+ Ni mibuso kaufela ya Kanana. 12  Naafile naha yabona sina saanda, Saanda sa Isilaele sicaba sahae.+ 13  Wena Jehova, libizo lahao liina kuya kuile. Wena Jehova, libubo* lahao likaba teñi kamita mwa masika kaufela.+ 14  Kakuli Jehova ukayemela* batu bahae,+ Ukashwela makeke* batanga bahae.+ 15  Milimu ya maswaniso ya macaba ki ya silivera ni gauda, Ki musebezi wa mazoho a batu.+ 16  Milomo inani, kono haibuleli;+ Meeto inani, kono haiboni; 17  Mazebe inani, kono haiutwi. Hakuna moya ozwa mwa milomo yayona.+ 18  Batu baba ieza bakaswana sina yona,+ Sina mobaka bela batu kaufela baba isepile.+ 19  Mina ba ndu ya Isilaele, mulumbeke Jehova. Mina ba ndu ya Aruni, mulumbeke Jehova. 20  Mina ba ndu ya Livi, mulumbeke Jehova.+ Mina babasaba Jehova, mulumbeke Jehova. 21  Jehova alumbekwe mwa Sione,+ Yena yayahile mwa Jerusalema.+ Mulumbeke Jah!+

Litaluso ze kwatasi

Kamba “Halelujah!” “Jah” ki kupumela libizo la Jehova.
Kamba “liluwo lahae la butokwa.”
Kamba “mbundu.”
Kamba mwendi, “Utibululela pula linzila.”
Kamba “libizo.” Linzwi ka linzwi, “kupulo.”
Kamba “ukazekela.”
Kamba “Ukainyaza kaba­kala.”