Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 132:1-18

LITABA ZE MWAHALI

  • Kuketiwa kwa Davida ni Sione

    • “Usike wahana mutoziwa wahao” (10)

    • Baprisita ba Sione baapeswa puluso (16)

Pina ya Babakambama. 132  Wena Jehova, uhupule Davida Ni manyando ahae kaufela;+   Mwanaaikonkezi ku Jehova, Mwanaasepiselize Yamaata wa Jakobo,+ ali:   “Hanina kukena mwa tende yaka, mwa ndu yaka.+ Hanina kulobala mwa sipula saka, fa mumbeta waka;   Hanina kulumeleza meeto aka kubona buloko, Kamba lisiyo za meeto aka kuozela   Kufitela nifumanela Jehova sibaka, Ndu yende* mwakaina Yamaata wa Jakobo.”+   Hamubone! Neluutwile za teñi mwa Efrata;+ Neluifumani mwa masimu a mwa naheñi.+   Halukeneñi mwa ndu yahae;*+ Halukubameñi kwa sipula fo ahata mahutu ahae.+   Yema, wena Jehova, utahe kwa sibaka sahao sa mapumulelo,+ Wena ni Aleka ya maata ahao.+   Haike baprisita bahao baapale kuluka, Mi babasepahala bahao bahuweleze ka tabo. 10  Kabakala Davida mutangaa hao, Usike wahana mutoziwa wahao.+ 11  Jehova ukonkile ku Davida; Kaniti haana kukwenuhela linzwi lahae, lelili: “Yomuñwi wa bana bahao,* Nika mubeya fa lubona lwahao.+ 12  Haiba bana bahao bamamela tumelelano yaka Ni likupuliso zaka zeni baluta,+ Bana babona ni bona Bakaina fa lubona lwahao kuya kuile.”+ 13  Kakuli Jehova uketile Sione;+ Utabezi kuli ibe sibaka sahae mwaina,+ ali: 14  “Se ki sona sibaka saka sa mapumulelo kuya kuile; Ki mona monika pila,+ kakuli ki yona takazo yaka. 15  Nika sifuyola hahulu ka lico; Nikafepa babotana basona ka sinkwa.+ 16  Baprisita basona nika baapesa puluso,+ Mi babasepahala basona bakahuweleza ka tabo.+ 17  Teñi ko, nikaekeza maata* a Davida. Nilukiselize mutoziwa waka lambi.+ 18  Nikaapesa lila zahae maswabi, Kono kuwani ya bulena ye kwa toho yahae ikakondisa.”+

Litaluso ze kwatasi

Kamba “Tabernakele yekateleha.”
Kamba “tabernakele yahae yekateleha.”
Linzwi ka linzwi, “yali muselo wa mba yahao.”
Linzwi ka linzwi, “lunaka.”