Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 12:1-8

LITABA ZE MWAHALI

  • Jehova wayema ni kuunga muhato

    • Manzwi a Mulimu ki akenile (6)

Ku muzamaisi wa lipina; ucune liliziso ka mulumo wa Sheminiti.* Samu ya Davida. 12  Unipilise, wena Jehova, kakuli hakusana mutu yasepahala yasiyezi; Babasepahala habasa liyo.   Batu babulelelana buhata; Bacolaula ka milomo* yabona mi babulela ka lipilu zepuma.*+   Jehova ukayundisa milomo kaufela yecolaula ka bupumi Ni lulimi lolubulela ka kuitumba kokutuna,+   Bona bababulela kuli: “Lukakondisa ka malimi aluna. Lukaitusisa milomo yaluna ka molulatela; Ki mañi yaka lubusa?”+   “Bakeñisa kuli babanyandile bahatelelwa, Bakeñisa kutonga kwa babotana,+ Nikayema ni kuunga muhato,” kubulela Jehova. “Nika balamulela ku baba basheununa.”*   Manzwi a Jehova ki akenile;+ Aswana sina silivera yekenisizwe mwa mulilo,* yekenisizwe ha 7.   Uka basileleza, wena Jehova;+ Ukasileleza mañi ni mañi wabona kwa lusika lo, kuya kuile.   Babamaswe baizamaela ka kulukuluha Kakuli bana ba batu babeile bumaswe mwa sibaka sapili.+

Litaluso ze kwatasi

Linzwi ka linzwi, “Babulela ka milomo ya kalole.”
Kamba “ka lipilu zepeli.”
Kamba “baba banyaziseza.”
Kamba mwendi, “mulilo o fafasi wa kukenisisa ka ona butale.”