Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 118:1-29

LITABA ZE MWAHALI

  • Kuitumela ku Jehova kabakala tulo yahae

    • ‘Nenihuwelelize ku Jah, mi anialaba’ (5)

    • “Jehova u kwa lineku laka” (6, 7)

    • Licwe lene lihanilwe likafetuha licwe la butokwa la mwa kona (22)

    • “Yataha ka libizo la Jehova” (26)

118  Muitumele ku Jehova kakuli ki yomunde;+ Lilato lahae lelisa feli liina kuya kuile.   Isilaele abulele, ali: “Lilato lahae lelisa feli liina kuya kuile.”   Ba ndu ya Aruni babulele, bali: “Lilato lahae lelisa feli liina kuya kuile.”   Babasaba Jehova babulele, bali: “Lilato lahae lelisa feli liina kuya kuile.”   Nenihuwelelize ku Jah* hane niziyelehile; Jah anialaba mi anitisa mwa sibaka mokusina kozi.*+   Jehova u kwa lineku laka; hanina kusaba sesiñwi.+ Mutu saka nieza ki sika mañi?+   Jehova u kwa lineku laka sina mutusi waka;*+ Nikatalimela baba nitoile habatulwa.+   Ki hande kusabela ku Jehova Kufita kusepa batu.+   Ki hande kusabela ku Jehova Kufita kusepa manduna.+ 10  Macaba kaufela naanipotolohile, Kono ka libizo la Jehova, Seni akasheza kwahule ni na.+ 11  Naanipotolohile, ki cwalo, nenipotolohilwe ki ona kai ni kai, Kono ka libizo la Jehova, Seni akasheza kwahule ni na. 12  Naanipotolohile sina limuka, Kono atimiwa kapili-pili sina mulilo otuka mwa mikakani. Ka libizo la Jehova, Seni akasheza kwahule ni na.+ 13  Nenikashizwe maswe* kuli niwe, Kono Jehova naanitusize. 14  Jah ki yena makundamo aka ni maata aka, Mi ki yena yanipilisa.+ 15  Muhuwo wa tabo ni puluso* U mwa litende za babalukile. Lizoho la bulyo la Jehova libonahalisa maata alona.+ 16  Lizoho la bulyo la Jehova laipahamisa; Lizoho la bulyo la Jehova libonahalisa maata alona.+ 17  Hanina kushwa, nikapila, Kuli nizibahaze misebezi ya Jah.+ 18  Jah naanikalimezi hahulu,+ Kono naasika nituhelela kushwa.+ 19  Munikwalulele minyako ya kuluka;+ Nikakena ku yona ni kulumbeka Jah. 20  Wo ki ona munyako wa Jehova. Babalukile bakakena ku ona.+ 21  Nika kulumbeka, kakuli neu nialabile+ Mi ki wena yanaa nipilisize. 22  Licwe lene bahanile bayahi Lifetuhile licwe la butokwa la mwa kona.*+ 23  Ki Jehova yaezize cwalo;+ Ki nto yemakaza mwa meeto aluna.+ 24  Le ki lizazi laezize Jehova; Lukataba ni kunyakalala ku lona. 25  Jehova, ulupilise shangwe, lwakupa! Jehova, ulutuse kutula shangwe! 26  Ufuyozwi yena yataha ka libizo la Jehova;+ Lwamifuyola mwa ndu ya Jehova. 27  Jehova ki Mulimu; Ulufa liseli.+ Muye ni babaya kwa mukiti ni mitai mwa mazoho,+ Kuyo fita kwa manaka a aletare.+ 28  Ki wena Mulimu waka, mi nika kulumbeka; Mulimu waka, nika kububeka.+ 29  Muitumele ku Jehova+ kakuli ki yomunde; Lilato lahae lelisa feli liina kuya kuile.+

Litaluso ze kwatasi

“Jah” ki kupumela libizo la Jehova.
Kamba “sibaka sesituna.”
Kamba mwendi, “hamoho ni baba nitusa.”
Kamba mwendi, “Neu nikashize maswe.”
Kamba “tulo.”
Linzwi ka linzwi, “toho ya kona.”