Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lisamu 116:1-19

LITABA ZE MWAHALI

  • Pina ya buitumelo

    • “Ki sika mañi senika kutiseza Jehova?” (12)

    • “Nikanwa mwa komoki ya puluso” (13)

    • “Nikaeza zeniitamile ku Jehova” (14, 18)

    • Lifu la babasepahala ki taba yetuna hahulu (15)

116  Nalata Jehova Kakuli wautwa* linzwi laka, likupo zaka za kuli anituse.+   Kakuli usikekela zebe yahae* ku na,+ Mi nikana nihuweleza ku yena ka nako kaufela ya bupilo bwaka.*   Nenipotolohilwe ki mihala ya lifu; Libita neli nikumalezi.*+ Nenikomilwe ki ziyezi ni maswabi.+   Kono nenibizize fa libizo la Jehova,+ nali: “Mawe, Jehova, unilamulele!”   Jehova unani mukekecima* mi ulukile;+ Mulimu waluna unani makeke.+   Jehova usileleza babasina zibo.+ Nenikokobelizwe, mi anipilisa.   Haike moyo* waka upumule hape, Kakuli Jehova uniezize ka sishemo.   Unilamulezi kwa lifu, Ulamulezi meeto aka kwa miyoko, ni mahutu aka kwa kusitatala.+   Nikazamaya fapilaa Jehova mwa naha ya babapila. 10  Neninani tumelo, ki lona libaka hane nibulezi;+ Neninyandile hahulu. 11  Haili na, neniikalezwi hahulu, mi nali: “Mutu kaufela ki lihata.”+ 12  Ki sika mañi senika kutiseza Jehova Kabakala bunde kaufela bwaniezelize? 13  Nikanwa mwa komoki ya puluso,* Mi nikabiza fa libizo la Jehova. 14  Nikaeza zeniitamile ku Jehova, Fapilaa batu bahae kaufela.+ 15  Lifu la babasepahala ba Jehova Ki taba yetuna hahulu* ku yena.+ 16  Nakukupa, wena Jehova, Kakuli ni mutangaa hao. Ni mutangaa hao, mwanaa mutangaa hao wamusizana. Unilukuluzi mwa mawenge.+ 17  Nika kufa sitabelo sa buitumelo;+ Nikabiza fa libizo la Jehova. 18  Nikaeza zeniitamile ku Jehova,+ Fapilaa batu bahae kaufela,+ 19  Mwa malapa a ndu ya Jehova,+ Mwahalaa hao, wena Jerusalema. Mulumbeke Jah!*+

Litaluso ze kwatasi

Kamba mwendi, “Nalata kakuli Jehova wautwanga.”
Kamba “uinama kuli ateeleze.”
Linzwi ka linzwi, “mwa mazazi aka.”
Linzwi ka linzwi, “Liziyezi za Sheoli neli nifumani.”
Kamba “musa.”
Kamba “puluso yetuna.”
Linzwi ka linzwi, “Ki la butokwa hahulu.”
Kamba “Halelujah!” “Jah” ki kupumela libizo la Jehova.