Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 115:1-18

LITABA ZE MWAHALI

  • Kanya ifiwe feela ku Mulimu anosi

    • Milimu ya maswaniso yesapili (4-8)

    • Lifasi lifilwe kwa batu (16)

    • “Babashwile habalumbeki Jah” (17)

115  Isiñi luna, wena Jehova, isiñi luna,* Kono libizo lahao ki lona leliswanela kukanyiswa+ Kabakala lilato lahao lelisa feli, ni busepahali bwahao.+   Macaba asike ali: “Mulimu wabona ukai?”+   Mulimu waluna u mwa mahalimu; Ueza salata kaufela.   Milimu yabona ya maswaniso ki ya silivera ni gauda, Ki musebezi wa mazoho a batu.+   Milomo inani, kono haibuleli;+ Meeto inani, kono haiboni;   Mazebe inani, kono haiutwi; Lingo inani, kono hailupeleli;   Mazoho inani, kono haikoni kuswala; Mahutu inani, kono haizamayi;+ Hakuna mulumo ozwa fa mumizo wayona.+   Batu baba ieza bakaswana sina yona,+ Sina mobaka bela batu kaufela baba isepile.+   Wena Isilaele, usepe Jehova+ —Ki yena tuso yabona ni tebe yabona.+ 10  Mina ba ndu ya Aruni,+ musepe Jehova —Ki yena tuso yabona ni tebe yabona. 11  Mina babasaba Jehova, musepe Jehova+ —Ki yena tuso yabona ni tebe yabona.+ 12  Jehova waluhupula mi uka lufuyola; Ukafuyola ba ndu ya Isilaele;+ Ukafuyola ba ndu ya Aruni. 13  Ukafuyola babasaba Jehova, Babanyinyani ni babatuna. 14  Jehova uka miatisa, Mina ni bana* bamina.+ 15  Mufuyolwe ki Jehova,+ Yena Muezi wa lihalimu ni lifasi.+ 16  Haili mahalimu, ki a Jehova,+ Kono lifasi ulifile bana ba batu.+ 17  Babashwile habalumbeki Jah;+ Nihaiba kaufela babashetumukela mwa sibaka sesikuzize.*+ 18  Kono luna lukalumbeka Jah Kuzwa cwale ni kuya kuile. Mulumbeke Jah!*

Litaluso ze kwatasi

Kamba “Luna haluna saluna, wena Jehova, luna haluna saluna.”
Linzwi ka linzwi, “bana babashimani.”
Fo kikuli, kukuza kwa lifu.
Kamba “Halelujah!” “Jah” ki kupumela libizo la Jehova.