Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lisamu 114:1-8

LITABA ZE MWAHALI

  • Isilaele wazwisiwa mwa Egepita

    • Liwate nelibalehile (5)

    • Malundu naatulakile sina lingu zabaana (6)

    • Licwe lelitiile nelifetuhile kuba liweluwelu (8)

114  Isilaele haazwa mwa Egepita,+ Ba ndu ya Jakobo habazwa mwa sicaba sesibulela puo isili,   Juda aba sibaka sahae sesikenile, Isilaele aba mubuso wahae.+   Liwate labona taba yeo mi labaleha;+ Nuka ya Jordani yakuta mwamulaho.+   Malundu atulaka inge lingu zabaana,+ Malundunyana inge lingunyana.   Ki sika mañi sene sikubalehisize, wena liwate?+ Neukuteziñi mwamulaho, wena Jordani?+   Nemutulakeziñi inge lingu zabaana mina malundu, Inge lingunyana mina malundunyana?   Ungangame wena lifasi, kabakala Mulena, Kabakala Mulimu wa Jakobo,+   Yafetula licwe kuba sibaka sa mezi sa mataka, Licwe lelitiile kuba maweluwelu a mezi.+

Litaluso ze kwatasi