Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Lisamu 110:1-7

LITABA ZE MWAHALI

  • Mulena yali muprisita sina Melekisedeke

    • ‘Ubuse mwahalaa lila zahao’ (2)

    • Babanca babaifana ka kuitatela baswana sina puka (3)

Samu ya Davida. 110  Jehova naaize ku Mulenaaka: “Ina kwa lizoho laka la bulyo+ Kufitela nibeya lila zahao sina sipula foahata mahutu ahao.”+   Jehova ukaekeza kwa mulamu wa maata ahao kuzwa mwa Sione, ali: “Zamaya mwahalaa lila zahao unze ulitula.”+   Batu bahao bakaifana ka kuitatela mwa lizazi leuka etelela mpi yahao kwa ndwa.* Ka bukeni bobukateleha, Sitopa sa mitangana bahao babaswana sina puka ya kakusasana siinzi ni wena.   Jehova ukonkile, mi haana kucinca muhupulo wahae,* uli: “U muprisita kuya kuile+ Ka mukwa wa Melekisedeke!”+   Jehova ukaba kwa lizoho lahao la bulyo;+ Ukatuba malena mwa lizazi la buhali bwahae.+   Ukaatula* macaba;+ Ukataza naha ka litupu.+ Ukatuba mueteleli* wa naha yetuna.*   Ukanwa* mezi mwa nukana ye kwatuko ni nzila. Kabakaleo, ukanangukisa toho yahae.

Litaluso ze kwatasi

Kamba “fa lizazi leika itukiseza ndwa mpi yahao.”
Kamba “haana kuinyaza.”
Kamba “Ukaatula mwahalaa.”
Linzwi ka linzwi, “toho.”
Kamba “wa lifasi kamukana.”
Ili kutalusa “Mulenaaka” yabulezwi mwa timana 1.