Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 108:1-13

LITABA ZE MWAHALI

  • Tapelo ya kukupa kuli lila litulwe

    • Kupiliswa ki batu hakuna tuso (12)

    • “Lukafumana maata ka Mulimu” (13)

Pina. Samu ya Davida. 108  Pilu yaka itiile, wena Mulimu. Nikaopela ni kuliza lipina ka moyo waka kaufela.*+   Uzuhe, wena sesilizwa sa mihala; ni wena harepa.+ Nikashituka pili kusika patalala kale.   Nika kulumbeka mwahalaa macaba, wena Jehova, Mi nika kuopelela milumbeko mwahalaa macaba.   Kakuli lilato lahao lelisa feli ki lelituna, lipahami sina mahalimu,+ Mi busepahali bwahao buyo fita ni mwa mbyumbyulu.   Upahamiswe fahalimwaa mahalimu, wena Mulimu; Kanya yahao ibe fahalimwaa lifasi kamukana.+   Kuli balatiwa bahao balamulelwe, Ulupilise ka lizoho lahao la bulyo mi unialabe.+   Mulimu ubulezi mwa bukeni bwahae,* uize: “Nikanyakalala, nikafa Sikemi+ kwa batu baka sina saanda, Mi nikapumela batu baka Musindi* wa Sukoti.+   Giliadi+ ki yaka, sina Manase haili yaka, Mi Efraimi ki kuwani yesileleza* toho yaka;+ Juda ki mulamu waka wa buzamaisi.+   Moabi ki mukeke onitapelanga ku ona.+ Nikanepela sikatulo saka fahalimwaa Edomo.+ Nikahuwa ka muhuwo wa tulo fahalimwaa Filisita.”+ 10  Ki mañi yaka niisa kwa muleneñi osilelelizwe? Ki mañi yaka nietelela, kuyo nifitisa kwa Edomo?+ 11  Kana haki wena, wena Mulimu yaluhanile, Mulimu waluna, yatuhezi kuyanga ni limpi zaluna kwa ndwa?+ 12  Ulutuse mwa ziyezi yaluna,+ Kakuli kupiliswa ki batu hakuna tuso.+ 13  Lukafumana maata ka Mulimu,+ Mi ukahatikela lila zaluna.+

Litaluso ze kwatasi

Linzwi ka linzwi, “ka kanya yaka.”
Kamba mwendi, “mwa sibaka sahae sesikenile.”
Kamba “Libala.”
Linzwi ka linzwi, “sibaka sa silelezo sa.”