Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Lsm 10:1-18

LITABA ZE MWAHALI

  • Jehova, ki yena yatusa babasina yabatusa

    • Babamaswe ka buikuhumuso bali: “Hakuna Mulimu” (4)

    • Babasina yabatusa batalimezi ku Jehova (14)

    • “Jehova ki Mulena wa kamita” (16)

ל [Lamed] 10  Jehova, ki kabakalañi hauyemela kwahule? Uipatelañi mwa linako za ziyezi?+   Yamaswe, ka buikuhumuso, undongwama yasina yamutusa,+Kono ukaswaseha mwa milelo yalela.+   Kakuli yamaswe uitumba ka litakazo zahae za buitati+Mi ufuyola mutu wa mukwañuli;*נ [Nun]Ushwaula Jehova.   Yamaswe, ka buikuhumuso bwahae, habatisisi;Zahupula feela kikuli: “Hakuna Mulimu.”+   Linzila zahae lizwelapili kukonda,+Kono likatulo zahao haakoni kuliutwisisa;+Usheununa* lila zahae kaufela.   Uipulelela mwa pilu yahae, uli: “Hanina kunyanganyiswa nikamuta;*Kuzwa lusika loluñwi kuya ku loluñwiHanina kuziyeleha nikamuta.”+ פ [Pe]   Mulomo wahae utezi likuto, buhata, ni mifumbo;+Kwatasaa lulimi lwahae kuinzi butata ni zeholofaza.+   Ubandamena bukaufi ni minzi;Kuzwelela mwa sibaka saipatile ku sona, ubulaya yasina mulatu.+ ע [Ayin] Meeto ahae alibelezi kubona nalimai kuli amutaseze.+   Ulibelela mwa sibaka saipatile ku sona inge tau ye mwa sipumbo* sayona.+ Ulibelela kuswala yasina yamutusa. Hashakula kanyandi kahae, uswala yasina yamutusa.+ 10  Nalimai wahatelelwa ni kuwisezwa fafasi;Bo nalimai bawela mwa mazoho* a yamaswe. 11  Uipulelela mwa pilu yahae, uli: “Mulimu ulibezi.+ Utalimisize pata yahae kusili. Hakuna salemuha.”+ ק [Qoph] 12  Yema, wena Jehova.+ Wena Mulimu, nanula lizoho lahao.+ Usike walibala babasina yabatusa.+ 13  Yamaswe ushwaulelañi Mulimu? Uipulelela mwa pilu yahae, uli: “Hauna kunibuza sesiñwi.” ר [Resh] 14  Kono wabona butata ni ziyezi. Utalimezi mi ubata kueza sesiñwi.+ Nalimai utalimezi ku wena;+Ki wena yatusa mwana yasina ndatahe.*+ ש [Shin] 15  Ulobe lizoho la yamaswe, yena yanani lunya,+Kuli hauka bata bumaswe bwahae,Usike wabufumana. 16  Jehova ki Mulena wa kamita ni kuya kuile.+ Macaba ayundile mwa lifasi.+ ת [Taw] 17  Kono ukautwa kupo ya babaishuwa, wena Jehova.+ Ukatiisa lipilu zabona+ ni kubaisa hahulu pilu.+ 18  Ukaatulela ka kuluka bana babasina bo ndaata bona ni babahatelezwi,+Kuli mutu ya mwa lifasi asike abasabisa hape.+

Litaluso ze kwatasi

Kamba mwendi, “Mutu wa mukwañuli waifuyola ili yena.”
Kamba “Unyaziseza.”
Kamba “Hanina kutantalika (kuzikinyeha).”
Kamba “macacani aatibani.”
Kamba “manala aatiile.”
Kamba “ndiala.”