Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Liproverbia 9:1-18

LITABA ZE MWAHALI

  • Butali bwa niti bubiza batu (1-12)

    • “Ka na, mazazi ahao akaba amañata” (11)

  • Musali wa sikuba ubiza batu (13-18)

    • “Mezi a kuuzwa amunati” (17)

9  Butali bwa niti buicahezi ndu; Bubetile* misumo yabona ye 7.   Bulukisize hande nama yabona;* Buzwakile waine; Mi bulukisize ni tafule yabona.   Bulumile batanga babasizana Kuyo huweleza fa libaka zelumbile za muleneñi, kuli:+   “Mutu kaufela yasina zibo, atahe kwanu.” Mi bubulelela yasina ngana,* buli:   “Taha, uto ca kwa sinkwa saka Mi uto nwa kwa waine yenizwakile.   Utuhele kutokwa zibo kwahao* mi upile;+ Uzamaye mwa nzila ya kutwisiso.”+   Yahakulula musheununi uipatela maswabi,+ Mi mutu kaufela yakalimela yamaswe ukautwa butuku.   Usike wakalimela musheununi, kakuli uka kutoya.+ Ukalimele mutu yabutali, mi uka kulata.+   Ufe mutu yabutali zibo, mi yena ukatalifa hahulu.+ Ulute mutu yalukile, mi ukaekeza kwa lika zaituta. 10  Kusaba Jehova ki ona makalelo a butali,+ Mi kuba ni zibo ya Yakenile Hahulu+ ki yona kutwisiso. 11  Kakuli ka na, mazazi ahao akaba amañata,+ Mi lilimo za bupilo bwahao likaekezeha. 12  Haiba utalifa, butali bwahao buka kutusa, Kono haiba u musheununi, ki wena unosi yakasinyehelwa. 13  Musali wa sikuba unani lilata.+ Utokwile zibo mi hakuna ni sesikana saziba. 14  Uina kwa munyako wa ndu yahae Mwa sipula, ili fa libaka zelumbile za muleneñi,+ 15  Inzaa huweleza ku bo lifitanzila, Babaizamaela feela mwa nzila, ali: 16  “Mutu kaufela yasina zibo, atahe kwanu.” Mi ubulelela babasina ngana,* uli:+ 17  “Mezi a kuuzwa amunati, Mi lico za kucela kwa mukunda zatabusa.”+ 18  Kono habazibi kuli babasina maata, babashwile, ki mona mobainzi, Ni kuli baba mupotela ba mwa sibaka sa kwatasi mwa Libita.*+

Litaluso ze kwatasi

Kamba “Bulemile.”
Linzwi ka linzwi, “Bubulaile folofolo yabona.”
Linzwi ka linzwi, “yasina pilu.”
Kamba “babasina zibo.”
Linzwi ka linzwi, “babasina pilu.”
Kamba “Sheoli,” fo kikuli, sibaka sa swanisezo sa babashwile. Mubone Litaluso za Manzwi.