Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Liproverbia 7:1-27

LITABA ZE MWAHALI

  • Umamele milao ya Mulimu mi upile (1-5)

  • Mutangana yasalemuhi kozi wahapiwa (6-27)

    • “Sina poho yeiswa kwa kubulaiwa” (22)

7  Mwanaka, umamele manzwi aka, Mi ubuluke milao yaka.+   Umamele milao yaka mi upile;+ Utokomele tuto* yaka sina moubabalelela taku ya liito lahao.   Zeo ulitamelele kwa minwana yahao; Uliñole fa litapa la pilu yahao.+   Ubulelele butali, uli: “Ki wena kaizelaaka,” Mi ubize kutwisiso kuli “ki mwanahesu,”   Kuli likusileleze ku musali wa mizamao yemaswe,*+ Ku musali wa mizamao ya buhule* ni kwa manzwi ahae a kalole.*+   Neniyemi kwa lihaulo la ndu yaka, Natalimela mwa masuba alona,   Mi hane ninze nitalimela batu babasa lemuhi kozi,* Nalemuha mutangana yasina ngana* mwahalaa micaha.+   Naazamaya mwa nzila bukaufi ni kona, fone kufumaneha ndu ya musali yo, Mi azamaya mwa nzila yeliba kwa ndu yahae   Neseli manzibwana ka nako ya swalala,+ Busihu nebuatumela mi nese kuunsufala. 10  Kiha nibona musali yato kopana ni yena, Yaapezi sina* lihule,+ wa pilu yepuma. 11  Ki musali yabulela hahulu, yasautwi.+ Haini* fa ndu. 12  Ka nako yeñwi u fande, ka nako yeñwi u mwa mapatelo, Ulibelelanga fakaufi ni makona a linzila kaufela.+ 13  Kihaa swala mutangana mi amutubeta; Ka kutokwa maswabi, amubulelela, ali: 14  “Nenitokwa kufa matabelo a kuikabela.+ Mi kacenu nipetile buitamo bwaka. 15  Ki lona libaka hanitilo kukatanyeza, Kuto kubata, mi nikufumani! 16  Niyalile likubo zende fa mumbeta waka, Masila a mibala-bala aazwa kwa Egepita.+ 17  Nisasize mira, aloe, ni sinamoni fa mumbeta waka.+ 18  Taha, lukolwe lilato laluna kuisa kakusasana; Luikole lilato hamoho, 19  Kakuli muunaaka haayo kwa ndu; Utamile musipili omutelele. 20  Uile ni mukotana wa masheleñi, Mi haana kukuta konji lizazi leika kwanelela kweli.” 21  Wamukelusa ka manzwi ahae akolwisa.+ Wamuhapa ka manzwi ahae a kalole. 22  Kapili-pili mutangana yo wamulatelela, sina poho yeiswa kwa kubulaiwa, Sina sikuba sesifiwa koto ka kutamiwa mwa likulo,*+ 23  Kufitela lisho limutaba kwa sibiti; Sina nyunywani yematela mwa katwa, hazibi kuli bupilo* bwahae bukayundiswa.+ 24  Mi cwale mina bana baka, hamu niteeleze; Mumamele manzwi enibulela. 25  Lipilu zamina lisike zakeluhela mwa linzila zahae. Musike mwafapuhela mwa linzila zahae,+ 26  Kakuli ubulaisisize batu babañata,+ Mi bababulailwe ki yena ki babañata.+ 27  Ndu yahae ilibisa kwa Libita;* Ishetumukela mwa mizuzu ya mwahali ya lifu.

Litaluso ze kwatasi

Kamba “mulao.”
Linzwi ka linzwi, “musali usili.” Mubone Lip 2:16.
Linzwi ka linzwi, “musali usili.” Mubone Lip 2:16.
Kamba “ahoha.”
Kamba “babasina zibo.”
Linzwi ka linzwi, “yasina pilu.”
Kamba “siapalo sa.”
Linzwi ka linzwi, “Mahutu ahae haini.”
Kamba “mawenge.”
Kamba “moyo.”
Kamba “Sheoli,” fo kikuli, sibaka sa swanisezo sa babashwile. Mubone Litaluso za Manzwi.