Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Liproverbia 4:1-27

LITABA ZE MWAHALI

  • Litaelo zebutali zafa ndate (1-27)

    • Sihulu, uipumanele butali (7)

    • Uambuke linzila zemaswe (14, 15)

    • Nzila ya babalukile izwelapili kubenyisezwa liseli (18)

    • “Ubabalele hahulu pilu yahao” (23)

4  Bana baka, amuteeleze kwa kalimelo ya ndataa mina;+Muteeleze ilikuli mube ni kutwisiso,   Kakuli nika mifa litaelo zende;Musike mwahana tuto* yaka.+   Nenili mwana yomunde ku bo ndate+Mi ki na yanaalatwa hahulu ki bo ma.+   Bo ndate neba nilutanga mi nebaize: “Pilu yahao ibuluke manzwi aka.+ Umamele milao yaka kuli uzwelepili kupila.+   Ipumanele butali, ipumanele kutwisiso.+ Usike walibala, mi usike wahana zeni kubulelela.   Usike wasiya butali, mi buka kusileleza. Ubulate, mi buka kubabalela.   Butali ki bwa butokwa hahulu,*+ kabakaleo ipumanele butali,Mi kwa lika kaufela zeuipumanela, uipumanele kutwisiso.+   Utabele hahulu butali, mi buka kupahamisa.+ Buka kukutekehisa kabakala kuli ubukumalezi.+   Bukaapesa likabisa za lipalisa zebuheha kwa toho yahao;Buka kukabisa ka kuwani ya bulena yekateleha.” 10  Mwanaka, hakuteeleze, mi uamuhele manzwi aka,Mi lilimo za bupilo bwahao likaba zeñata.+ 11  Nika kuluta nzila ya ­butali;+Nika kuzamaisa mwa linzila za kuluka.+ 12  Hauka zamaya, mahutu ahao haana kutibelwa;Mi haiba umata, hauna kusitatala. 13  Ukumalele kalimelo; usike waituhela.+ Uibabalele, kakuli ki bona bupilo bwahao.+ 14  Usike wakena mwa nzila ya babamaswe,Mi usike wazamaya mwa nzila ya batu babamaswe.+ 15  Uiambuke, usike wazamaya ku yona;+Uikekuluhe, mi uifitelele.+ 16  Kakuli habakoni kulobala konji hase baezize zemaswe. Hababoni buloko konji hase batahiselize mutu butata. 17  Baca sinkwa sa bumaswe,Mi banwa waine ya mifilifili. 18  Kono nzila ya babalukile iswana sina liseli lelibenya la kakusasanaLelinze liekezeha kufitela iba musihali omutuna.+ 19  Nzila ya babamaswe iswana sina lififi;Habazibi sesika basitatalisa. 20  Mwanaka, utwa manzwi aka;Uteeleze ka tokomelo* kwa lipulelo zaka. 21  Usike walilibala;Ulibuluke kwatasaa pilu yahao,+ 22  Kakuli ki bupilo ku baba lifumana+Ni buiketo mwa mibili yabona kaufela.* 23  Kwa lika kaufela zeubabalela, ubabalele hahulu pilu yahao,+Kakuli ki mona moku­simuluha bupilo. 24  Lipulelo zekopami libe kwahule ni wena,+Mi ulatele kwahule lingambolo za bupumi. 25  Meeto ahao atalimele feela kwapili,Unongise meeto ahao koulibile.+ 26  Ulukise* nzila mwakafita mahutu ahao,+Mi linzila zahao kaufela likakonda. 27  Usike wakeluhela ku la bulyo kamba ku la nzohoto.+ Zwisa mahutu ahao ku zemaswe.

Litaluso ze kwatasi

Kamba “mulao.”
Kamba “ki yona nto ya makalelo.”
Linzwi ka linzwi, “Usikekele zebe yahao.”
Linzwi ka linzwi, “mwa nama yabona kaufela.”
Kamba mwendi, “Unahanisise.”