Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Liproverbia 29:1-27

LITABA ZE MWAHALI

  • Mwana yasakalimelwi utahisa maswabi (15)

  • Hakusina lipono, batu baikezeza mobalatela (18)

  • Mutu yahalifile utahisa lifapahano (22)

  • Mutu yaikokobeza ukafumana kanya (23)

  • Kusaba batu ki lilaba (25)

29  Mutu yaikomeleza mulala* hamulaho wa kufiwa nyazo hañata-ñata+ Ukalobeha ka sipundumukela mi haana kufola.+   Babalukile habaata, batu banyakalala, Kono hakubusa yamaswe, batu batonga.+   Mutu yalata butali utabisa ndatahe,+ Kono yatwaelana ni mahule usinya bufumu bwahae.+   Ka katulo yelukile, mulena utiisa naha,+ Kono mutu yabata likweta usinya naha.   Mutu yacolaula yayahile ni yena Uteela mahutu ahae kanyandi.+   Mutu yamaswe uswasiwa ki bufosi bwahae,+ Kono yalukile uhuweleza ka tabo mi wawabelwa.+   Yalukile uisa pilu kwa mizeko ya babotana,+ Kono yamaswe yena haisi pilu kwateñi.+   Batu babaitumbaeta bafuzela mulilo mwa tolopo,+ Kono bababutali bona bakuyula buhali.+   Mutu yabutali hakananisana ni sikuba, Kukaba ni lilata ni lipulelo za kusheununa, kono hakuna zende zekazwa mwateñi.+ 10  Batu babatabela kusulula mali batoya mutu yasina mulatu,*+ Mi babata kufelisa bupilo* bwa babalukile.* 11  Mutu wa sitoto ubonahalisa maikuto* ahae kaufela,+ Kono yabutali yena waiswala.+ 12  Mulena hateeleza kwa litaba za buhata, Batanga bahae kaufela bakaba batu babamaswe.+ 13  Mubotana ni muhateleli baswana ka nzila ye:* Meeto abona afiwa liseli ki Jehova, mwa bubeli bwabona.* 14  Mulena haatulela babotana ka swanelo,+ Lubona lwahae lukatiya kamita.+ 15  Tupa* ni nyazo lifa butali,+ Kono mwana yasakalimelwi uswabisisa mahe. 16  Babamaswe habaata, bufosi bwaekezeha, Kono babalukile baka babona habawa.+ 17  Kalimela mwanaa hao mi uka kufa pumulo; Mi uka kutabisa hahulu.+ 18  Hakusina lipono,* batu baikezeza mobalatela,+ Kono tabo kiya babamamela mulao.+ 19  Mutanga haana kulumela kusikululwa ka manzwi, Kakuli niha utwisisa, hamameli manzwi ao.+ 20  Kana uboni mutu yasaliyehi kubulela?+ Sikuba sasepisa kufita yena.+ 21  Haiba mutanga abeka-bekiwa kuzwa kwa bwanana bwahae, Kwapili haana kuba ni buitumelo. 22  Mutu yahalifa kapili utahisa lifapahano;+ Mutu kaufela wa mabifi ufosa mwa litaba zeñata.+ 23  Buikuhumuso bwa mutu buka mukokobeza,+ Kono mutu kaufela yanani moya wa buikokobezo ukafumana kanya.+ 24  Mulikanaa lisholi uitoile ili yena. Nihaaka utwa pizo ya kuyo fa bupaki,* hakuna sakabiha.+ 25  Kungangamiswa ki* batu ki* lilaba,+ Kono yasepile Jehova ukasilelezwa.+ 26  Batu babañata babata kubonana ni* mubusi, Kono ki Jehova yafa mutu katulo yelukile.+ 27  Mutu yasina katulo yelukile wanyenyisa ku babalukile,+ Kono mutu wa nzila yelukile wanyenyisa ku mutu yamaswe.+

Litaluso ze kwatasi

Kamba “yanani toho-taata.”
Kamba “yasanyazahali.”
Kamba “moyo.”
Kamba mwendi, “Kono yalukile ubata kusileleza bupilo bwahae.”
Linzwi ka linzwi, “moya.”
Linzwi ka linzwi, “bakopanela fa.”
Fo kikuli, Ubafa bupilo.
Kamba “Kalimelo; Koto.”
Kamba “lipono za bupolofita; sinulo.”
Kamba “kukonka kokuzamaelela ni sikuto.”
Kamba “Kusaba.”
Kamba “kuteela mutu.”
Kamba mwendi, “babata kushemubiwa ki.” Linzwi ka linzwi, “babata pata ya.”