Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Liproverbia 28:1-28

28  Babamaswe basaba kusina yabalelekisa,Kono babalukile banani bundume sina tau.*+   Batu habatula* mulao mwa naha, kukabusa manduna babashutana-shutana mwa nako yekuswani,+Kono ka tuso ya muuna yanani temuho ni zibo, nduna* ukabusa nako yetelele.+   Mutu wa mubotana yabukula babafokola+Uswana sina pula yesinya lico kaufela.   Babatuhela kulatelela mulao balumbaeta babamaswe,Kono babamamela mulao bafilikanywa ki bona.+   Batu babamaswe habakoni kuutwisisa katulo yelukile,Kono bababata Jehova bautwisisa lika kaufela.+   Mubotana yazamaya ka busepahali bwahae ki yomundeKufita mufumi wa linzila zekopami.+   Mwana yanani kutwisiso umamela mulao,Kono mulikanaa babaca hahulu uswabisa nda­tahe.+   Yaatisa bufumu bwahae ka kekelezo+ ni ka kuputelela babañwiUbukubukanyeza mutu yashemuba babotana.+   Yahana kuutwa mulao—Nihaiba tapelo yahae yanyenyisa.+ 10  Yakeluseza babalukile mwa nzila yemaswe ukawela mwa musima wayepile,+Kono babasa nyazahali bakaluwa zende.+ 11  Mufumi uipona kuli ubutali,+Kono mubotana yanani temuho wakona kumushungula.+ 12  Babalukile habatuzi, kuba ni kanya yetuna,Kono babamaswe hababusa, batu baipata.+ 13  Yapata lifoso zahae haana kukondisa,+Kono mutu kaufela yalibulela ni kulituhela ukashemubiwa.+ 14  Tabo ki ya mutu yalibelela* ka nako kaufela,Kono mutu kaufela yatatafaza pilu yahae ukakena mwa ziyezi.+ 15  Mubusi yamaswe yabusa batu babasa koni kuitusaUswana sina tau yehona ni bere yehalifile.+ 16  Mueteleli yasina temuho uitusisa maswe maata ahae,+Kono yatoile kufumana pulofiti ka kusasepahala ukaekeza kwa bupilo bwahae.+ 17  Mutu yaimezwa ki mulatu wa kusulula mali kabakala kubulaya mutu yomuñwi ukazwelapili kubaleha kufitela akena mwa libita.*+ Kusike kwaba ni mutu yaka mutusa. 18  Yazamaya asina mulatu ukapiliswa,+Kono wa linzila zekopami ukawa ka sipundumu­kela.+ 19  Yalima simu yahae ukaba ni lico zeñata,Kono yandongwama lika zesina tuso ukakula bubotana.+ 20  Mutu yasepahala ukaamuhela limbuyoti zeñata,+Kono yaakufela kufuma haana kuzwelapili asina mulatu.+ 21  Haki nto yende kuketulula babañwi;+Kono mutu ukona kueza bumaswe kabakala kubata siemba sa sinkwa. 22  Mutu yanani muna* ubata hahulu bufumu,Asazibi kuli bubotana buka mukenela. 23  Mutu kaufela yafa yomuñwi nyazo+ ukashemubiwa hahulu hasamulaho+Kufita mutu yacolaula babañwi ka lulimi lwahae. 24  Mutu kaufela yauzweza ndatahe ni mahe, inzaa li: “Hakusika fosahala,”+ Ki mulikanaa sisinyi.+ 25  Mutu wa mukwañuli ususueza lifapahano,Kono mutu kaufela yasepile Jehova ukako­ndisa.*+ 26  Mutu kaufela yasepa pilu yahae ki sitoto,+Kono yazamaya ka butali ukapiliswa.+ 27  Mutu kaufela yafa babotana haana sakatokwa,+Kono yakwala meeto ahae kuli asike ababona ukaatelwa ki likuto. 28  Babamaswe hababusa, batu baipata,Kono habashwa, babalukile baekezeha.+

Litaluso ze kwatasi

Kamba “tau yamwana.”
Kamba “habafetuhela.”
Linzwi ka linzwi, “yena.”
Kamba “yanani sabo.”
Kamba “mukoti.”
Kamba “mukwañuli.”
Linzwi ka linzwi, “ukanuniswa.”