Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Liproverbia 23:1-35

LITABA ZE MWAHALI

  • Mube ni butali hamumemilwe kwa lico (2)

  • Musike mwaikataza kubata sifumu (4)

  • Bufumu bwakona kufufa kumisiya (5)

  • Usike waina mwahalaa babanwa hahulu (20)

  • Bucwala bwaluma sina noha (32)

23  Hauina, kuli uce ni mulena, Unahanisise hande muinelo;   Ubeye tipa fa mumizo wahao* Haiba unani takazo yetuna ya kuca.   Usike walakaza lico zahae zende, Kakuli ki lico za bupumi.   Usike waikataza kubata bufumu.+ Kutumana mi ubonise kutwisiso.*   Hauka butalima ka meeto ahao, habusana kubateñi,+ Kakuli bukamela mafufa sina mbande ni kufufela mwa mbyumbyulu.+   Usike waca lico za mutimani;* Usike walakaza lico zahae zende,   Kakuli uswana sina mutu yabuluka sikoloti. Ukubulelela kuli: “Uce mi unwe,” kono haki sona satalusa.*   Ukataza tuemba-emba twa lico zeucile Mi ukabe usinyize manzwi ahao akuitumela.   Usike wabulela ni sitoto,+ Kakuli sikashwaula butali bwa manzwi ahao.+ 10  Usike wasutisa sisupo sa mululwani sakale+ Kamba kukena mwa simu ya bana babasina bo ndataa bona. 11  Kakuli Muyemeli* wabona umaata; Uka bazekela taba yabona kukulwanisa.+ 12  Uise pilu yahao kwa kalimelo Mi usikekele zebe yahao kwa manzwi a zibo. 13  Usike watima mwana* kalimelo.+ Haiba umushapa ka tupa, haana kushwa. 14  Umushape ka tupa, Kuli umulamulele kwa Libita.* 15  Mwanaka, haiba pilu yahao italifa, Pilu yaka ni yona ikanyakalala.+ 16  Nikawabelwa* luli Milomo yahao haika bulela litaba zelukile. 17  Pilu yahao isike yashwela muna baezalibi,+ Kono usabe Jehova ka nako kaufela,+ 18  Kakuli haueza cwalo ukaikola zende kwapili+ Mi sepo yahao haina kufela. 19  Mwanaka, uutwe, mi utalife, Mi uzamaise pilu yahao mwa nzila yelukile. 20  Usike waina mwahalaa babanwa hahulu waine,+ Mwahalaa babafunjela nama,+ 21  Kakuli cakolwa ni yaca hahulu, bakakenelwa ki bubotana,+ Mi kuozela kukaapalisa mutu manjabila. 22  Uutwe ndataho ya kupepile, Mi usike wakenda maho kabakala kuli saasupezi.+ 23  Itekele* niti mi usike wailekisa,+ Uleke ni butali ni kalimelo ni kutwisiso.+ 24  Ndatahe mwana yalukile ukanyakalala luli; Ndate kaufela yapepa mwana yabutali ukawabeliswa ki yena. 25  Ndataho ni maho bakawabelwa, Mi maho yakupepile ukanyakalala. 26  Mwanaka, unife pilu yahao, Mi meeto ahao atabele linzila zaka.+ 27  Kakuli lihule ki mukoti otungile, Mi musali wa mizamao ya buhule* ki lisima lelisisani.+ 28  Ubandamena sina lisholi;+ Uekeza kwa palo ya baana babasa sepahali. 29  Ki mañi yanani bumai? Ki mañi yaziyelehile? Ki mañi wa likomano? Ki mañi wa lipilaelo? Ki mañi yanani mañiba kusina libaka? Ki mañi yanani meeto aafubelezi?* 30  Ki babatanda nako yetelele inze banwa waine;+ Bababata* waine yezwakilwe. 31  Usike watalima mubala wa waine omufubelu Haipazima mwa komoki ni moishulumukela ka bubebe, 32  Kakuli kwa mafelelezo iluma sina noha, Mi izwisa sifanu sina sibili. 33  Meeto ahao akabona lika lisili, Mi pilu yahao ika kubulelisa litaba zemaswe.+ 34  Mi ukaswana sina mutu yalobezi fahalaa liwate, Sina mutu yalobezi kwa ngo ya musumo wa sisepe. 35  Ukabulela kuli: “Baninatile, kono hakuna seniutwile.* Baninatile, kono hanisika ziba. Nikazuha lili?+ Nisatokwa kunwa hape.”*

Litaluso ze kwatasi

Kamba “Uiswale.”
Kamba mwendi, “Utuhele kulatelela kutwisiso yahao.”
Kamba “za mutu yanani liito lelimaswe.”
Linzwi ka linzwi, “pilu yahae haiyo ku wena.”
Linzwi ka linzwi, “Muliululi.”
Linzwi ka linzwi, “mushimani.”
Kamba “Sheoli,” fo kikuli, sibaka sa swanisezo sa babashwile. Mubone Litaluso za Manzwi.
Linzwi ka linzwi, “Lipio zaka likawabelwa.”
Kamba “Ipumanele.”
Linzwi ka linzwi, “musali usili.” Mubone Lip 2:16.
Kamba “aakatezi.”
Kamba “Babakopana kuli bayo lika.”
Kamba “hanisika utwa butuku.”
Kamba “Nisa ibata hape.”