Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Liproverbia 2:1-22

LITABA ZE MWAHALI

  • Butokwa bwa butali (1-22)

    • Kubata butali sina maluwo apatilwe (4)

    • Maata a kunahana, asileleza (11)

    • Buhule butahisa kozi (16-19)

2  Mwanaka, haiba uamuhela manzwi akaNi kubuluka milao yaka,+   Ka kusikekela zebe yahao kwa butali+Ni kuisa pilu yahao kwa temuho;+   Mi haiba ubiza kutwisiso+Ni kutumusa linzwi lahao kukupa temuho;+   Haiba uzwelapili kulibata sina silivera,+Mi utundamena kulibata sina maluwo apatilwe;+   Fo, ukautwisisa sekutalusa kusaba Jehova,+ Mi ukafumana zibo ya kuziba Mulimu.+   Kakuli Jehova ki yena yafa butali;+Mwa mulomo wahae kuzwa manzwi afa zibo ni temuho.   Ubulukela babalukile butali;Ki yena tebe ya babazamaya ka busepahali.+   Ulibelela linzila za katulo yelukile,Mi ukasileleza nzila ya babasepahala bahae.+   Mi wena ukautwisisa sesilukile, katulo ya niti, ni sesiswanela,Zona linzila kaufela zende.+ 10  Butali habuka kena mwa pilu ya hao+Ni zibo haika tabisa moyo* wahao,+ 11  Maata a kunahana aka kubabalela,+Mi temuho ika kusileleza, 12  Likusileleze kwa nzila yemaswe,Ni ku mutu yabulela litaba zesika luka,+ 13  Kwa batu babakeluha mwa linzila zelukileKuli bazamaye mwa linzila za lififi,+ 14  Kwa batu babatabela kueza zemaswe,Babafumana munyaka mwa lika zemaswe, zesika luka, 15  Babazamaya mwa linzila zekopamiIli bao linzila zabona kamukana ki za bupumi. 16  Zeo lika kusileleza ku musali wa mizamao yemaswe,*Kwa manzwi a kalole* a musali wa mizamao ya buhule,*+ 17  Yayubeka mulikanaa hae yomutuna* wa mwa bunca bwahae+Mi ulibala tumelelano yanaaezize ni Mulimu wahae; 18  Kakuli ndu yahae ishetumukela kwa lifu,Mi linzila zahae lilibisa ku babasina maata, babashwile.+ 19  Ku babalobala ni yena,* hakuna yakakuta,Mi habana kukutela mwa linzila za bupilo.+ 20  Kabakaleo, ulatelele nzila ya batu babandeMi uzwelepili kuzamaya mwa linzila za babalu­kile,+ 21  Kakuli babalukile ki bona feela babaka ina mwa lifasi,Mi babasa nyazahali* ki bona babaka siyala mwateñi.+ 22  Haili babamaswe, bakazwiswa mwa lifasi,+Mi babapila ka bupumi bakakumulwa mwateñi.+

Litaluso ze kwatasi

Linzwi ka linzwi, “musali usili.” Kubonahala kuli kutaluswa musali yakeluhile mwa linzila zelukile za Mulimu.
Kamba “ahapa.”
Linzwi ka linzwi, “musali usili.” Kubonahala kuli kutaluswa musali yakeluhile mwa linzila zelukile za Mulimu.
Kamba “muunaa hae.”
Linzwi ka linzwi, “babakena ku yena.”
Kamba “babasepahala.”