Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Liproverbia 10:1-32

LITABA ZE MWAHALI

  • Mwana yabutali utabisa ndatahe (1)

  • Mazoho aasebeza ka taata atahisa sifumu (4)

  • Kuitusisa manzwi amañata kutahisa mafosisa (19)

  • Kufuyolwa ki Jehova kwafumisa (22)

  • Kusaba Jehova kuekeza kwa bupilo (27)

10  Mashitanguti a Salumoni.+ Mwana yabutali utabisa ndatahe,+ Kono mwana wa sikuba uswabisa mahe.   Bufumu bobufumanwa ka nzila yemaswe habuna kutusa sesiñwi, Kono kuluka kulamulela kwa lifu.+   Jehova haana kutuhelela yalukile kulapa,+ Kono ukatima babamaswe zebanyolelwa.   Mazoho aanani buzwa alibisa kwa bubotana,+ Kono mazoho aasebeza ka taata atahisa sifumu.+   Mwana yanani kutwisiso ukubukanya lico ka nako ya litabula, Kono mwana yaeza lika zeswabisa walobala ka nako ya kutulo.+   Limbuyoti li fa toho ya mutu yalukile,+ Kono mulomo wa yamaswe upata mifilifili.   Kuhupulwa* kwa yalukile kutahisa mbuyoti,+ Kono libizo la yamaswe likabola.+   Mutu wa pilu yebutali uamuhela tuto,*+ Kono yabulela litaba za bukuba ukahatikelwa.+   Yazamaya ka busepahali ukazamaya mwa buiketo,+ Kono yakopamisa linzila zahae ukazibahala.+ 10  Yakobya liito lahae ka bupumi utahisa maswabi,+ Mi yabulela litaba za bukuba ukahatikelwa.+ 11  Mulomo wa yalukile ki simbule sa bupilo,+ Kono mulomo wa yamaswe upata mifilifili.+ 12  Sitoyo sitahisa lifapahano, Kono lilato likwahela lifoso kaufela.+ 13  Butali bufumanwa mwa mulomo wa mutu yanani temuho,+ Kono tupa ilukiselizwe mukokoto wa yasina ngana.*+ 14  Bababutali baipulukela zibo,+ Kono mulomo wa sikuba uipizeza sinyeho.+ 15  Tutu* ya mufumi ki ona muleneñi wahae osilelelizwe. Mi sesisinya babotana ki bunjebwe bwabona.+ 16  Musebezi wa yalukile uisa kwa bupilo; Kono muselo wa yamaswe uisa kwa sibi.+ 17  Yautwa kalimelo ki yena nzila yelibisa kwa bupilo,* Kono yakeshebisa nyazo ukelusa babañwi. 18  Yapata sitoyo sahae ubulela buhata,+ Mi yahasanya lipiho* za busawana ki sikuba. 19  Mwa manzwi amañata, kukafumaneha mafosisa,+ Kono mutu kaufela yañaña mulomo wahae ubonisa butali.+ 20  Lulimi lwa yabutali luswana sina silivera yende hahulu,+ Kono pilu ya mutu yamaswe haina tuso. 21  Mulomo wa yalukile ufepa* babañata,+ Kono likuba zashwa kabakala kutokwa ngana.+ 22  Kufuyolwa ki Jehova ki kona kokufumisa mutu,+ Mi haekezi kwateñi butuku.* 23  Kueza lika zeswabisa kuswana inge papali ku sitoto, Kono butali ki bwa mutu yanani temuho.+ 24  Zasaba yamaswe lika mutahela; Kono zebalakaza babalukile baka lifiwa.+ 25  Liñungwa halifita, yamaswe hasana kubateñi,+ Kono yalukile ki mutomo oina kuya kuile.+ 26  Sina vinega haitisa mbwengeya kwa meeno ni musi haucocotisa meeto, Ni mutu yabuzwa ucwalo ku yamuluma.* 27  Kusaba Jehova kuekeza kwa bupilo,+ Kono lilimo za babamaswe likakaulezwa.+ 28  Zebalibelela* babalukile litahisa tabo,+ Kono sepo ya babamaswe ikayundiswa.+ 29  Nzila ya Jehova ki sibaka sa silelezo sa babasa nyazahali,+ Kono ki sinyeho ku babamaswe.+ 30  Yalukile haana kusitataliswa nikamuta,+ Kono babamaswe habasana kuyaha mwa lifasi.+ 31  Mulomo wa yalukile ubulela* litaba za butali, Kono lulimi lolupuma lukayundiswa. 32  Mulomo wa yalukile waziba zetabisa, Kono mulomo wa babamaswe wapuma.

Litaluso ze kwatasi

Kamba “Libubo.”
Linzwi ka linzwi, “milao.”
Linzwi ka linzwi, “yasina pilu.”
Kamba “Nto ya butokwa.”
Kamba mwendi, “uzamaya mwa nzila yeisa kwa bupilo.”
Kamba “mabulatwi.”
Kamba “uzamaisa.”
Kamba “maswabi; manyando.”
Kamba “mubelekisi wahae.”
Kamba “Sepo ya.”
Kamba “ubeya muselo wa.”