Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Joshua 16:1-10

LITABA ZE MWAHALI

  • Saanda sa bana ba Josefa (1-4)

  • Saanda sa Efraimi (5-10)

16  Mi naha yenefilwe ka loto*+ kwa bana ba Josefa+ neikalela kwa Jordani kwatuko ni Jeriko kuisa kwa mezi ali kwa upa wa Jeriko, mi mululwani wayona neufita mwa lihalaupa leli fapilaa Jeriko kuya kwa naha ya malundu yepotolohile Betele.+  Mi neuzwa mwa Betele bukaufi ni Luzi kuyo fita kwa mululwani wa Maariki kwa Ataroti,  kihona ushetumukela kwa wiko kwa mululwani wa Majafeleti kuyo fita kwa mululwani wa Beti-horoni wa Kwatasi+ ni Gezeri,+ mi neuyo felela kwa liwate.  Bana ba Josefa,+ bo Manase ni Efraimi, baanga naha yabona.+  Mululwani wa bana ba Efraimi ka kuya ka mabasi abona neuli cwana: Mululwani wa saanda sabona kwa neku la upa neukalela mwa Ataroti-adari+ kuisa kwa Beti-horoni wa Kwahalimu,+  mi mululwani neuyo fita kwa liwate. Mikametata+ neili kwa mutulo, mi mululwani neupotoloha kuliba kwa upa, kwa Taanati-shilo, mi wazwelapili kuliba kwa upa, kwa Janoa.  Kihona ushetumuka kuzwa mwa Janoa kuliba kwa Ataroti ni Naara mi neuyo fita kwa Jeriko+ mane ni kwa Jordani.  Mululwani hauzwa mwa Tapua,+ neuliba kwa wiko wa Mulapo wa Kana, mi neuyo felela kwa liwate.+ Seo ki sona saanda sa ba lusika lwa Efraimi ka kuya ka mabasi abona;  bana ba Efraimi hape nebanani mileneñi yene baluwile mwahalaa saanda sa Manase,+ ili mileneñi kaufela ni minzi yayona. 10  Kono nebasika leleka Makanana bane bayahile mwa Gezeri,+ mi Makanana basapila mwahalaa bana ba Efraimi ni kacenu le+ mi basebeliswa ka taata.+

Litaluso ze kwatasi

Kamba “yeneabezwi.”