Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Jonasi 3:1-10

LITABA ZE MWAHALI

  • Jonasi uutwa Mulimu mi waya kwa Ninive (1-4)

  • Batu ba mwa Ninive babaka bakeñisa lushango lwa Jonasi (5-9)

  • Mulimu ulela kusayundisa Ninive (10)

3  Cwale linzwi la Jehova lataha ku Jonasi lwabubeli, lali:+  “Nanuha, uye kwa muleneñi omutuna wa Ninive,+ mi uyo shaela mwateñi litaba zeni kubulelela.”  Jonasi kihaa nanuha mi aya kwa Ninive+ ka kumamela linzwi la Jehova.+ Cwale Ninive neli muleneñi omutuna hahulu*—neuzamaiwa mazazi amalaalu.  Mi Jonasi akena mwa muleneñi, mi hasazamaile musipili wa lizazi lililiñwi, azibahaza ali: “Kusiyezi feela mazazi a 40, mi Ninive ukasinyiwa.”  Mi batu ba mwa Ninive baba ni tumelo ku Mulimu,+ mi bazibahaza kuli batu baitime lico ni kuapala masila a saka, kukala ku yomutuna ka kufitisisa kuisa ku yomunyinyani ka kufitisisa.  Mulena wa Ninive hautwa litaba zeo, ananuha mwa lubona lwahae mi atubula siapalo sahae sa bulena, aikapesa lisila la saka mi aina mwa mufuse.  Hape azibahaza taba ye mwa Ninive kaufela, ali: “Taelo ya mulena ni manduna bahae ki ye: Hakuna mutu kamba folofolo, komu kamba ngu, yaswanela kuca sesiñwi. Habaswaneli kuca lico kamba kunwa mezi.  Baapale masila a saka, batu hamoho ni lifolofolo; baitilelele ku Mulimu, mi batuhele linzila zabona zemaswe ni mifilifili.  Mwendi Mulimu ukacinca muhupulo wahae* ka zalela kueza mi buhali bwahae habuna kulutukela, kuli lusike lwayundiswa.” 10  Mulimu waniti habona zebaezize, mone batuhelezi linzila zabona zemaswe,+ acinca muhupulo wahae* ka za ziyezi yanaabulezi kuli naaka batahiseza yona, mi naasika itahisa.+

Litaluso ze kwatasi

Linzwi ka linzwi, “muleneñi omutuna ku Mulimu.”
Kamba “ukaikutwa bumaswe.”
Kamba “aikutwa bumaswe.”