Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Jonasi 2:1-10

LITABA ZE MWAHALI

  • Jonasi ulapela inzaa li mwa mba ya tapi (1-9)

  • Jonasi watazezwa fa likamba (10)

2  Cwale Jonasi alapela ku Jehova Mulimu wahae inzaa li mwa mba ya tapi,+  mi ali: “Hane nili mwa ziyezi, neniitilelezi ku Jehova, mi anialaba.+ Hane nili mwa buliba* bwa Libita,* nenikupile tuso.+ Neuutwile linzwi laka.   Haneu ninepezi mwa buliba, fa lilaho la liwate, Mezi aabuba animiza.+ Mandinda ahao kaufela amaata anikukisa.+   Mi nali: ‘Nikukiselizwe kwahule ni pata yahao! Nikakona cwañi hape kutalima tempele yahao yekenile?’   Mezi naaniapesize, mi bupilo bwaka nebuli mwa kozi;+ Mezi a liwate anikwahela. Luyuya lwaitateza kwa toho yaka.   Nenitibile kwatasaa malundu. Minyako ya lifasi nei nikwalela kwatasi kamita. Kono wena Jehova Mulimu waka, neupilisize bupilo bwaka, wanizwisa mwa mukoti.+   Bupilo* bwaka hane bufukuzeha, nenihupuzi Jehova.+ Cwale tapelo yaka yataha ku wena, mwa tempele yahao yekenile.+   Babalatelela milimu ya maswaniso yesina tuso bafulalela yabafa lilato lelisa feli.*   Kono haili na, nika kulumbeka, mi nika kuezeza matabelo. Nikalifa zeniitamile.+ Jehova ki yena yapilisa.”+ 10  Hamulaho wa nako, Jehova alaela tapi, mi yatazeza Jonasi fa likamba.

Litaluso ze kwatasi

Linzwi ka linzwi, “mba.”
Kamba “Sheoli,” fo kikuli, sibaka sa swanisezo sa babashwile. Mubone Litaluso za Manzwi.
Kamba “Moyo.”
Kamba mwendi, “batuhela kusepahala.”