Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Jobo 35:1-16

35  Elihu azwelapili kualaba, ali:   “Kana uikolwisisize luli kuli ulukisize, kuli mane ubulele kuli: ‘Ni yalukile hahulu kufita Mulimu’?+   Kakuli ubulela kuli: ‘Kutusañi ku wena?* Kana kunani bunde bonifumana ka kusaeza sibi?’+   Nika kualaba Ni kualaba balikani+ bahao beuinzi ni bona.   Talima kwa lihalimu ubone, Bona malu,+ ainzi kwahalimu kwahule ni wena.   Haueza sibi, umuutwisa butuku mañi?+ Lifoso zahao haliata, ki sika mañi seuka eza ku yena?+   Haiba u yalukile, ki sika mañi seuka mufa; Ki sika mañi sakaamuhela ku wena?+   Bumaswe bwahao bunyandisa feela mutu sina wena, Mi kuluka kwahao kutusa feela bana ba batu.   Batu balila habahatelelwa hahulu; Balila kuli baimululwe kwa buhateleli* bwa babamaata.+ 10  Kono hakuna yali: ‘Mulimu ukai, yena Mubupi Yomutuna yaniezize,+ Yatahisa kuli kuopelwe lipina mwahalaa busihu?’+ 11  Ululuta+ hahulu kufita libatana za lifasi,+ Mi ulutalifisa hahulu kufita linyunywani za mahalimu. 12  Batu balila, kono haalabi,+ Kabakala buikuhumuso bwa babamaswe.+ 13  Kaniti Mulimu hautwi mihuwo yesina tuso;*+ Yamaata Kaufela haisi pilu ku yona. 14  Cwale unahana kuli uka kuutwa, haubilaela kuli hau muboni!+ Taba yahao i fapilaa hae, cwale umulibelele ka kunyolelwa.+ 15  Kakuli haasika kuzekisa ka buhali; Mi haasika isa pilu kwa kayeye kahao.+ 16  Jobo uatumulusa mulomo wahae kusina tuso; Uatisa manzwi kusina zibo.”+

Litaluso ze kwatasi

Mwendi ili kutalusa Mulimu.
Linzwi ka linzwi, “lizoho.”
Kamba “ya buhata.”