Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Jobo 26:1-14

LITABA ZE MWAHALI

  • Jobo waalaba (1-14)

    • ‘Utusize hahulu batu babasina maa­ta!’ (1-4)

    • ‘Mulimu upahekile lifasi fa nto yesiyo’ (7)

    • ‘Ze kwa mingundo feela ya linzila za Mulimu’ (14)

26  Jobo aalaba, ali:   “Utusize hahulu mutu yasina maata! Upilisize lizoho lelisina maata!+   Yasina butali umufile kelezo ya butokwa hahulu!+ Upatuluzi butali* bwahao bobutuna ka kulata!*   Ki mañi yeulika kuambola ni yena, Mi ki mañi yakususuelize kubulela litaba zecwalo?*   Babasina maata, bona babashwile, bangangama; Mane ba mwatasaa mezi ni mwatasaa zepila mwateñi.   Libita* liinzi mukungulu fapilaa Mulimu,+ Mi sibaka sa sinyeho* hasisika kwahelwa.   Uyandululela mbyumbyulu ya kwa mutulo* fahalimwaa sibaka sesili mukungulu,+ Mi upahekile lifasi fa nto yesiyo;   Ukubukanya mezi mwa malu ahae,+ Kuli malu asike apazuha kabakala bukiti bwa mezi;   Usila lubona lwahae kuli lusike lwabonahala, Uluapesa ka lilu lahae.+ 10  Ulala mululwani kwa siyendekaminsi* fahalimwaa mezi;+ Ubeya mululwani mwahalaa liseli ni lififi. 11  Misumo ya lihalimu yanyanganya; Imbemukiswa ki kalimelo yahae. 12  Unyanganyisa liwate ka maata ahae,+ Mi ka kutwisiso yahae, ulobaka sibatana sa mwa liwate.*+ 13  Ukenisa mbyumbyulu ka moya wabulula;* Lizoho lahae litaba noha yelubilo.* 14  Hamubone! Zeo ki ze kwa mingundo feela ya linzila zahae;+ Zeluutwile ka zahae ki zeshobotilwe feela hanyinyani! Cwale ki mañi yakona kuutwisisa mushika wahae omaata?”+

Litaluso ze kwatasi

Kamba “ngana.”
Kamba “ka buñata.”
Linzwi ka linzwi, “Mi ki moya wa mañi ozwile ku wena?”
Kamba “Sheoli,” fo kikuli, sibaka sa swanisezo sa babashwile. Mubone Litaluso za Manzwi.
Kamba “Mi Abadoni.”
Linzwi ka linzwi, “mutulo.”
Linzwi ka linzwi, “mupotoloho.”
Linzwi ka linzwi, “Rahaba.”
Kamba “moya ofuka.”
Kamba “yelelumuka.”