Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Jobo 23:1-17

LITABA ZE MWAHALI

  • Jobo waalaba (1-17)

    • Ubata kufitisa taba yahae ku Mulimu (1-7)

    • Ubulela kuli haakoni kufumana Mulimu (8, 9)

    • “Nizwezipili kuzamaya mwa nzila yahae nisakeluhi” (11)

23  Jobo aalaba, ali:   “Ni kacenu nikabilaela ka taata;*+ Maata aka afelile kabakala kutonga kwaka.   Kambe naziba konikona kufumana Mulimu!+ Nenika ya kwaina.+   Nenika tisa taba yaka fapilaa hae Ni kutaza mulomo waka ka mabaka autwahala;   Nenika ziba mwanaaka nialabela Ni kuutwa zanibulelela.   Kana naakalwana ni na ka kuitusisa maata ahae amatuna? Batili, kaniti naaka niutwa.+   Fohe, yalukile naakalukisa litaba ni yena, Mi Muatuli waka naaka nilukulula, mi nenisike nazekiswa nikamuta.   Kono haniya kwa upa, hani mufumani kwateñi; Mi niha nikuta, hani mufumani.   Hanzaa sebeleza kwa neku la nzohoto, hanikoni kumubona; Ni haya kwa neku la bulyo, nisapalelwa kumubona. 10  Kono waziba nzila yenifitile.+ Hasaa nilikile, nikatweka sina gauda yekenile.+ 11  Mahutu aka alatelezi mutala wahae ka tokomelo; Nizwezipili kuzamaya mwa nzila yahae nisakeluhi.+ 12  Hanisika tuhela kumamela mulao ozwa mwa mulomo wahae. Nimamezi manzwi ahae+ ka tokomelo, mane kufita ni mone nitokwa kuezeza.* 13  Halelile kueza sika, ki mañi yaka muhanyeza?+ Habata kueza nto yeñwi, waieza.+ 14  Kakuli ukapeta lika kaufela zanilelezi,* Mi lika zecwalo ki zeñata. 15  Ki lona libaka hanibilaela kabakala hae; Haninahana zahae, sabo yaka yaekezeha. 16  Mulimu unitokwisize bundume, Mi Yamaata Kaufela unisabisize. 17  Kono hanisika kuziswa kale ki lififi Mi nihaiba lififi lelikwahezi pata yaka halisika nikuzisa.

Litaluso ze kwatasi

Kamba “pilaelo yaka haifeli.”
Kamba “mone nilibelelwa kuezeza.”
Kamba “zanihupulezi.”