Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Jobo 17:1-16

LITABA ZE MWAHALI

  • Jobo uzwelapili kualaba (1-16)

    • “Nipotolohilwe ki basheununi” (2)

    • “Unifetuzi nto yesheununwa” (6)

    • “Libita likaba lona ndu yaka” (13)

17  “Moya waka ukatezi, mi mazazi aka afelile; Libita linilibelezi.+   Nipotolohilwe ki basheununi,+ Mi meeto aka aiponela* likezo zabona za bukwenuheli.   Nakupa shangwe, hakuamuhele swalele yaka, mi uibuluke. Ki mañi hape yakaswala mwa lizoho laka ni kusepisa kuli uka nitusa?+   Kakuli upatezi lipilu zabona temuho;+ Ki lona libaka hausa bapahamisi.   Mutu ukona kuikabela maluwo ahae ni balikani bahae, Hailifo meeto a bana bahae apalelwa kubona hande.   Unifetuzi nto yesheununwa* mwahalaa macaba,+ Mi nifetuhile mutu yebakwela mati mwa pata.+   Meeto aka apalelwa kubona hande kabakala kuziyeleha kwaka,+ Mi mazoho ni mahutu aka aswana sina muluti.   Babalukile bakomokiswa ki taba ye, Mi yasina mulatu wakatazeha kabakala babasa sabi Mulimu.*   Yalukile utundamena mwa nzila yahae,+ Mi mutu wa mazoho akenile uzwelapili kutiya.+ 10  Kono kaufelaa mina mwakona kuto kalisa muzeko wamina hape, Kakuli hanisika fumana yabutali mwahalaa mina.+ 11  Mazazi aka afelile;+ Milelo yaka isinyehile, zona litakazo ze mwa pilu yaka.+ 12  Bazwelapili kuunga busihu kuli ki musihali, Bali: ‘Bakeñisa kuli kunani lififi, liseli lituha litaha.’ 13  Haiba nilibelela, Libita* likaba lona ndu yaka;+ Nikayala mumbeta waka mwa lififi.+ 14  Nikabulelela mukoti,*+ nili: ‘Ki wena ndate!’ Mi kwa libuku nikali: ‘Ki wena me ni kaizelaaka!’ 15  Cwale sepo+ yaka ikai? Ki mañi yakali ninani sepo? 16  Ikashetumukela* kwa minyako ya Libita* yekwalilwe ka lipakiso Kaufelaa luna haluka shetumukela hamoho mwa liluli.”+

Litaluso ze kwatasi

Kamba “akatalimela.”
Linzwi ka linzwi, “lishitanguti; nguli.”
Kamba “batu babali bakwenuheli.”
Kamba “Sheoli,” fo kikuli, sibaka sa swanisezo sa babashwile. Mubone Litaluso za Manzwi.
Kamba “libita.”
Fo kikuli, sepo yaka.
Kamba “Sheoli,” fo kikuli, sibaka sa swanisezo sa babashwile. Mubone Litaluso za Manzwi.