Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Jobo 10:1-22

10  “Nitoile bupilo bwaka.+ Nikabulela zeenibilaeza. Nikabulela kabakala kuziyeleha kwaka!   Nikabulelela Mulimu, nili: ‘Usike wanifa mulatu. Haku nibulelele libaka hau nilwanisa.   Kana kuhatelela babañwi kwakutusa, Kuli unyaze musebezi wa mazoho ahao+ Kono inze utabela kelezo ya babamaswe?   Kana meeto ahao aswana ni a batu, Kamba kana ubona sina mwabonela mutu yakona kushwa?   Kana mazazi ahao alikana ni a batu babakona kushwa, Kamba kana lilimo zahao lilikana ni za mutu,+   Kuli ubatisise mulatu waka Ni kubatisisa sibi saka?+   Waziba kuli hanina mulatu;+ Mi hakuna yakona kunilamulela mwa lizoho lahao.+   Mazoho ahao ki ona anibupile mi ki ona aniezize,+ Kono cwale ubata kuniyundisa.   Uhupule kuli neu nibupile ka lizupa,+ Kono cwale unikutiseza kwa liluli.+ 10  Kana neusika nisela sina mokuselelwa muzilili Ni kuniomisa sina mafi? 11  Neu niapesize litalo ni nama, Mi waningungahanya hamoho ka masapo ni misifa.+ 12  Unifile bupilo ni kunibonisa lilato lelisa feli; Usilelelize moya* waka mi unibabalezi.+ 13  Kono neusika nizibisa kuli ulela kueza lika ze.* Naziba kuli lika ze lizwa ku wena. 14  Kambe niezize sibi, neuka nibona,+ Mi neusike waswalela bufosi bwaka. 15  Haiba nifosize, ninani bumai! Mi nihaikaba kuli hanisika fosa, hanikoni kuinula toho yaka,+ Kakuli niatezwi ki maswabi ni manyando.+ 16  Haniinula toho yaka, unizuma sina tau+ Mi hape ubonisa maata ahao ka kunilwanisa. 17  Unitiseza lipaki zeñwi kuto nilwanisa Mi uekeza buhali bwahao ku na, Kakuli manyando azwelapili kunitahela. 18  Cwale kiñi hane unizwisize mwa mba ya bo ma?+ Neniswanela kushwa kusina liito leli niboni. 19  Nekuka swana feela inge kuli nenisika ba teñi; Nenika iswa mwa libita nisazwa feela mwa mba.’ 20  Kana mazazi aka haki amanyinyani?+ Mulimu anisiye; Meeto ahae atuhele kunitalima, kuli niimuluhe hanyinyani*+ 21  Nisika ya kale—konisike nayo kuta+ Kwa naha ya lififi lelikima,*+ 22  Kwa naha ya lififi lelituna, Kwa naha ya muluti omutuna ni ya mifilifili, Ili ko nihaiba lona liseli liswana sina lififi.”

Litaluso ze kwatasi

Kamba “moya obululwa; bupilo.”
Linzwi ka linzwi, “Mi upatile lika ze mwa pilu yahao.”
Kamba “nitabe kwateñi hanyinyani.”
Kamba “lififi ni muluti wa lifu.”