Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Jeremia 47:1-7

LITABA ZE MWAHALI

  • Bupolofita ka za kulwanisa Mafilisita (1-7)

47  Ki le linzwi la Jehova lanaabulezi ku mupolofita Jeremia ka za Mafilisita,+ pili Faro asika koma kale Gaza.  Jehova sabulela ki se, uli: “Hamubone! Mezi aataha kuzwa kwa mutulo. Akaba nuka yebayula. Mi akatibisa naha ni lika kaufela ze ku yona, Muleneñi ni babayahile mwateñi. Batu bakahuwa, Mi batu kaufela babapila mwa naha bakabokolola.   Kabakala misindo ya litaku za lipizi zahae, Kabakala lilata la likoloi zahae za ndwa Ni kabakala lilata la mawili ahae, Bo ndate-bana habana nihaiba kuitemuna kuli babone bana babona, Kakuli mazoho abona afokozi,   Bakeñisa kuli lizazi lelitaha likayundisa Mafilisita kaufela;+ Likasinya batusi kaufela babasiyezi mwa Tire+ ni mwa Sidoni.+ Kakuli Jehova ukayundisa Mafilisita, Bona babasiyezi mwa sioli sa Kafetori.*+   Gaza ukatahelwa ki sitenda.* Ashikeloni ukuzisizwe.+ Wena masiyaleti a mwa libala labona, Ukaanga nako yekuma kai inze uisehaka fa mubili?+   Wena mukwale wa Jehova!+ Ukaanga nako yekuma kai usakuzi? Kutela mwa sipusu sahao. Hakupumule mi ukuze.   Ukakuza cwañi Hailifo Jehova ki yena yaulaezi? Kwa Ashikeloni ni kwa munanga wa liwate,+ Ki kona kwaulumile kuyo lwanisa.”

Litaluso ze kwatasi

Fo kikuli, Kreta.
Fo kikuli, bakabeula litoho zabona kabakala kulila ni maswabi.