Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Jeremia 45:1-5

LITABA ZE MWAHALI

  • Lushango lwa Jehova ku Baruki (1-5)

45  Ki le linzwi lanaabulezi mupolofita Jeremia ku Baruki+ mwanaa Neria hanaañozi manzwi a, mwa buka, ka kubulelelwa ki Jeremia,+ mwa silimo sabune sa puso ya Joyakimi+ mwanaa Josiasi, mulena wa Juda:  “Jehova Mulimu wa Isilaele, sabulela ki se, ka zahao, wena Baruki:  ‘Uize: “Ninani bumai, kakuli Jehova uekelize maswabi kwa butuku boniutwa! Nikatezi kabakala kutonga, mi hanisika fumana pumulo.”’  “Umubulelele, uli: ‘Jehova sabulela ki se, uli: “Bona! Nilutulula seniyahile, mi nikumula senicezi—naha kamukana.+  Kono wena uipatela* lika zetuna. Tuhela kuipatela lika zecwalo.”’ “‘Kakuli nituha nitahisa kozi fahalimwaa batu* kamukana,’+ kubulela Jehova, ‘mi koukaya kaufela, nikabukeleza bupilo* bwahao, bube sina mbuya yahao.’”*+

Litaluso ze kwatasi

Kamba “ulibelela kufumana.”
Linzwi ka linzwi, “nama.”
Kamba “moyo.”
Kamba “nika kutuhelela kubanduka ni bupilo bwahao.”