Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Jeremia 28:1-17

LITABA ZE MWAHALI

  • Jeremia walwanisana ni mupolofita wa buhata Hanania (1-17)

28  Mwa silimo sesiswana seo, kwa makalelo a puso ya Mulena Zedekia+ wa Juda, mwa silimo sabune, ili mwa kweli yabuketalizoho, mupolofita Hanania mwanaa Azuri wa kwa Gibioni+ anibulelela manzwi a, mwa ndu ya Jehova fapilaa baprisita ni sicaba kaufela, ali:  “Jehova wa limpi, yena Mulimu wa Isilaele, sabulela ki se, uli: ‘Nikaloba coko ya mulena wa Babilona.+  Kusika fita kale lilimo* zepeli, nikakutiseza mwa sibaka se lisebeliso kaufela za ndu ya Jehova zanaangile Mulena Nebukadenezare wa Babilona mwa sibaka se ni kuliisa kwa Babilona.’”+  “‘Mi nikakutiseza mwa sibaka se Jekonia+ mwanaa Joyakimi,+ mulena wa Juda, ni batu kaufela ba Juda babahapilwe, babaile kwa Babilona,’+ kubulela Jehova, ‘kakuli nikaloba coko ya mulena wa Babilona.’”  Cwale mupolofita Jeremia abulela ku mupolofita Hanania fapilaa baprisita ni batu kaufela bane bayemi mwa ndu ya Jehova.  Mupolofita Jeremia ali: “Ameni!* Haike Jehova aeze cwalo! Haike Jehova ataleleze manzwi ahao eupolofitile, ka kuzwisa mwa Babilona ni kukutiseza mwa sibaka se lisebeliso za ndu ya Jehova ni batu kaufela babahapilwe!  Kono shangwe, hakuutwe taba ye, yeni kubulelela mwa mazebe ahao ni mwa mazebe a sicaba kaufela.  Kale-kale koo, bapolofita bane baliteñi pili ku na ni wena nebapolofitanga kuamana ni linaha zeñata ni mibuso yemaata, ka za ndwa, kozi, ni butuku bobuyambukela bobubulaya.  Haiba mupolofita apolofita za kozo, mi haiba linzwi la mupolofita yo liezahala, fohe kukazibahala kuli Jehova kaniti naalumile mupolofita yo.” 10  Mupolofita Hanania kihaa zwisa coko mwa mulala wa mupolofita Jeremia mi ailoba.+ 11  Cwale Hanania abulela manzwi a, inzaa li fapilaa sicaba kaufela, ali: “Jehova sabulela ki se, uli: ‘Nikaloba cwalo coko ya Mulena Nebukadenezare wa Babilona mwa mulala wa macaba kamukana lilimo zepeli lisika fela kale.’”+ Mi mupolofita Jeremia aikela. 12  Mupolofita Hanania hasaalobile coko yeneli mwa mulala wa mupolofita Jeremia, taba ye, yezwa ku Jehova yataha ku Jeremia: 13  “Zamaya uyo bulelela Hanania, uli: ‘Jehova sabulela ki se, uli: “Ulobile licoko za kota,+ kono ukaeza licoko za sipi mwa sibaka sazona.” 14  Kakuli Jehova wa limpi, yena Mulimu wa Isilaele, sabulela ki se, uli: “Nikabeya coko ya sipi fa mulala wa macaba a kamukana, kuli asebeleze Mulena Nebukadenezare wa Babilona,+ mi aka musebeleza. Nihaiba libatana za mwa naheñi nika mufa zona.”’”+ 15  Mupolofita Jeremia kihaa bulelela mupolofita Hanania,+ ali: “Teeleza, wena Hanania! Jehova haasika kuluma, kono wena utahisize kuli sicaba se silumele buhata.+ 16  Kabakaleo, Jehova sabulela ki se, uli: ‘Bona! Nikuyundisa mwa lifasi. Ukashwa unomwaha, kakuli ususuelize batu kukwenuhela Jehova.’”+ 17  Ka mukwa ocwalo, mupolofita Hanania ashwa mwa silimo seo, ka kweli yabu 7.

Litaluso ze kwatasi

Linzwi ka linzwi, “lilimo za mazazi.”
Kamba “Kube cwalo!”