Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Isaya 64:1-12

LITABA ZE MWAHALI

  • Tapelo yebonisa kubaka yazwelapili (1-12)

    • Jehova “Mubupi waluna” (8)

64  Hane ukapazula mahalimu ni kushetumukela fafasi, Kuli malundu azikinyehe kabakala hao,   Sina mulilo haucisa bwandilala, Ni mulilo haubilisa mezi, Fohe, libizo lahao nelika zibahala kwa lila zahao, Mi macaba naakangangama fapilaa hao!   Hane uezize lika zesabisa zene lusalibeleli,+ Washetumuka, mi malundu azikinyeha fapilaa hao.+   Kuzwa kwakale, hakuna mutu yautwile kamba kusikeka zebe, Mi hakuna liito lelikile labona Mulimu kwandaa hao, Yatusa batu babazwelapili kumulibelela.*+   Ukatanyelize babaeza zelukile ka tabo,+ Baba kuhupula ni kulatelela linzila zahao. Bona! Neuhalifile, luna inze lueza sibi,+ Neluezize cwalo ka nako yetelele. Kana cwale lwaswanela kupiliswa?   Mi kaufelaa luna lufetuhile sina mutu yasika kena, Mi zeluezize kaufela ka kuluka liswana sina lisila la musali yaile kwa kweli.+ Kaufelaa luna lukaletuka sina litali, Mi lifoso zaluna lika lufefula sina moya.   Hakuna mutu yabiza libizo lahao, Hakuna yaipa maata kuli akuswale, Kakuli ulupatezi pata yahao,+ Mi utahisa kuli lufokole* kabakala* bufosi bwaluna.   Kono cwale wena Jehova, ki wena Ndataa luna.+ Luna lu lizupa, mi wena u Mubupi waluna;*+ Kaufelaa luna lu musebezi wa mazoho ahao.   Usike wahalifa hahulu, wena Jehova,+ Mi usike wahupula bufosi bwaluna kuya kuile. Haku lutalime, kakuli kaufelaa luna lu sicaba sahao. 10  Mileneñi yahao yekenile ifetuhile lihalaupa. Sione ufetuhile lihalaupa, Jerusalema ufetuhile matota.+ 11  Ndu* yaluna yekenile, yekutekeha,* Mone bakulumbekelanga bo kuku waluna, Icisizwe ka mulilo,+ Mi lika kaufela zene lukatelwa lisinyehile. 12  Kabakaleo, wena Jehova, kana ukaiswala honacwalo? Kana ukakuza honacwalo ni kulutuhelela inze lunyanda hahulu?+

Litaluso ze kwatasi

Kamba “kumulibelela ka pilu-­telele.”
Linzwi ka linzwi, “kuli lushengunuke.”
Linzwi ka linzwi, “ka lizoho la.”
Kamba “ki Wena yaluezize.”
Kamba “Tempele.”
Kamba “yende.”