Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Isaya 55:1-13

LITABA ZE MWAHALI

  • Memo ya kuca ni kunwa kusina tifo (1-5)

  • Hamubate Jehova ni linzwi lahae lelisepahala (6-13)

    • Linzila za Mulimu lipahami hahulu kufita linzila za batu (8, 9)

    • Linzwi la Mulimu likakondisa luli (10, 11)

55  Hamutahe, mina kaufela babashwile linyolwa,+ mutahe kwa mezi!+ Mina babasina masheleñi, hamutahe, muleke mi muce! Hamutahe, muleke waine ni mabisi+ kusina masheleñi, kusina tifo.+   Musinyezañi masheleñi kwa kuleka lika zesi sinkwa, Mi muitusisezañi lituwelo zamina* kwa kuleka lika zesakulisi? Hamu niteeleze ka tokomelo, mi muce zende,+ Mi mukawabeliswa hahulu ki zenunile luli.+   Musikeke mazebe amina mi mutahe ku na.+ Hamuteeleze, mi mukapila, Mi nikaeza ni mina tumelelano ya kuya kuile+ Kulikana ni manzwi a lilato lelisa feli ili asepahala, ane nibulelezi Davida.+   Hamubone! Nimuezize paki+ kwa macaba, Nimuezize mueteleli+ ni muzamaisi+ kwa macaba.   Bona! Ukabiza sicaba seusa zibi, Mi batu ba macaba babasika kuziba bakamatela ku wena Kabakala Jehova Mulimu wahao,+ yena Yakenile wa Isilaele, Kakuli uka kukutekehisa.+   Hamubate Jehova hasafumanwa.+ Mumubize hasali fakaufi.+   Mutu yamaswe atuhele nzila yahae+ Ni yalunya atuhele mihupulo yahae; Akutele ku Jehova, yena yaka mushemuba,+ Akutele ku Mulimu waluna, kakuli uka muswalela ka kutala.*+   “Kakuli mihupulo yaka haki yona mihupulo yamina,+ Mi linzila zamina haki zona linzila zaka,” kubulela Jehova.   “Kakuli sina mahalimu hapahami hahulu kufita lifasi, Ni linzila zaka lipahami hahulu kufita linzila zamina Mi mihupulo yaka ipahami hahulu kufita mihupulo yamina.+ 10  Kakuli sina pula ni litwa halinela kuzwa kwa lihalimu Mi lisakuteli kwateñi kufitela likolobisa lifasi, ili kutahisa kuli licalo limele ni kubeya, Kuli life mucali peu ni kufa muci sinkwa, 11  Ni linzwi laka lelizwa mwa mulomo waka likaba cwalo.+ Halina kukutela ku na lisika eza sesiñwi,+ Kono likapeta nto kaufela yenilata,*+ Mi likakondisa luli seni lilumezi. 12  Kakuli mukazwa munze mutabile,+ Mi mukakutiswa ka kozo.+ Malundu ni malundunyana likawabelwa fapilaa mina ka mihuwo ya tabo,+ Mi likota za mwa naheñi likakambela kaufelaa zona.+ 13  Mwa sibaka sa mikakani kukamela kota ya junipa,+ Mi mwa sibaka sa mukona kukamela kota ya miritele. Mi likabubanisa* Jehova,+ Ibe sisupo sa kuya kuile sesisike safela.”

Litaluso ze kwatasi

Kamba “masheleñi amina emusebelelize ka taata.”
Kamba “uka muswalela ka ku­lata.”
Kamba “tato yaka kaufela.”
Kamba “likatumisa libizo la.”