Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Isaya 54:1-17

LITABA ZE MWAHALI

  • Sione yali mumba ukaba ni bana babañata (1-17)

    • Jehova, muunaa Sione (5)

    • Bana ba Sione bakalutiwa ki Jehova (13)

    • Hakuna silwaniso sesiezezwa Sione sesika konda (17)

54  Jehova uli: “Huweleza ka tabo, wena musali wa mumba yasika pepa fateñi mwana!+ Uwabelwe mi uhuwe ka tabo,+ wena yasika utwa kale butuku bwa lupepo,+ Kakuli bana babashimani* ba yayubekilwe ki babañata Kufita bana babashimani ba musali yanani muuna.*+   Ekeza kwa butuna bwa sibaka sa tende yahao.+ Namulula masila a tende ya tabernakele yahao yetuna. Usike watuhela, shangela kwa mihala ya tende yahao, Mi utiise limapo za tende yahao.+   Kakuli ukayandululela milulwani yahao kwa bulyo ni kwa nzohoto. Bana bahao bakaluwa macaba, Mi bakayaha mwa mileneñi yeli matota.+   Usike wasaba,+ kakuli hauna kuswabiswa;+ Mi usike waikutwa kushubulwa, kakuli hauna kuswaba. Kakuli ukalibala maswabi a mwa bunca bwahao, Mi hausana kuhupula lishwau la mwa bumbelwa bwahao.”   “Kakuli Mubupi wahao Yomutuna+ uswana sina muunaa hao,*+ Libizo lahae ki Jehova wa limpi, Mi Yakenile wa Isilaele ki yena Muliululi wahao.+ Ukabizwa Mulimu wa lifasi kaufela.+   Kakuli Jehova ukubizize sina musali yanaayubekilwe ni yanaanani maswabi,*+ Sina musali yanaanyezwi mwa bunca mi kihona ayubekwa,” kubulela Mulimu wahao.   “Neni kuyubekile ka nakonyana, Kono nika kukutisa ka sishemo sesituna.+   Ka nakonyana nakupatela pata yaka haneni halifile hahulu,+ Kono ka lilato laka lelisa feli nika kushemuba,”+ kubulela Muliululi wahao,+ yena Jehova.   “Ku na, taba ye iswana sina mazazi a Nuwe.+ Sina hane nikonkile kuli mezi a Nuwe hasana kukwahela lifasi,+ Ka mukwa oswana, nikonka kuli hanisana kukuhalifela kamba kukuomanya.+ 10  Kakuli malundu akona kuzwisiwa Mi malundunyana akona kuzikinyeha, Kono lilato laka lelisa feli halina kuzwisiwa ku wena,+ Mi tumelelano yaka ya kozo haina kuzikinyeha,”+ kubulela Jehova, Yena yakushemuba.+ 11  “Wena musali yanyandile,+ yazungiswa ki liñungwa, yasika omba-ombiwa,+ Niyala macwe ahao ka daka yetiile Ni mitomo yahao ka macwe a safiro.+ 12  Nikaeza lukwakwa lwahao lwa fahalimu ka macwe a rubi, Ni minyako yahao ka macwe abenya,* Ni milulwani yahao kaufela ka macwe abutokwa. 13  Mi bana bahao kaufela bakalutiwa ki Jehova,+ Mi kozo ya bana bahao ikaba yetuna.+ 14  Ukatiiswa ka kuluka.+ Ukaba kwahule hahulu ni manyando,+ Hakuna seuka saba mi hakuna nto yeka kutahiseza luwewe, Kakuli halina kusutelela ku wena.+ 15  Haiba ulwaniswa ki mutu, Taba yeo haina kulaelwa ki na. Mutu kaufela yaka kulwanisa ukawa kabakala hao.”+ 16  “Bona! Ki na yabupile sikwala sa misebezi ya mazoho, Sesipukuta mashala mwa mulilo, Mi sieza silwaniso ka musebezi wasona. Ki na hape yabupile mutu wa sisinyi kuli asinye.+ 17  Hakuna silwaniso sesiezezwa wena sesika konda,+ Mi ukanyaza lulimi kaufela loluka kuzekisa. Se ki sona saanda sa batanga ba Jehova, Mi kuluka kwabona kuzwa ku na,” kubulela Jehova.+

Litaluso ze kwatasi

Kamba “bana.”
Kamba “muñaa hae.”
Kamba “muñaa hao.”
Linzwi ka linzwi, “yanaaswabile mwa moya.”
Kamba “macwe a mulilo.”